`ပျင်း´ `ပျော်´ `ပြေး´

အလတ်မကတော့ ဒီနိုင်ငံမှာ အလုပ်လာလုပ်တဲ့ လူတွေကို `ပျင်း´ `ပျော်´ `ပြေး´ ဆိုပြီး နှိုင်းလိုက်ချင်တာပါပဲ။

ဒီကိုရောက်လာတဲ့ လူတိုင်းကတော့ ရောက်ရောက်ခြင်းပျော်တယ်ဆိုတာ အခုချိန်ထိ မကြားမိသေးဘူးရယ်။ (Passport Change) ပြီး ပြန်လာတဲ့လူတွေကိုတော့ မဆိုလိုပါဘူး။ တော်တော်များများဟာ ရောက်ခါစမှာ အဆင်မပြေတာများကြတယ်။ ဘယ်နိုင်ငံမှ မရောက်ဖူးသေးတဲ့ အလတ်မတို့လို အသစ်ကလေးတွေ အတွက်တော့ ပိုလို့တောင် ဆိုးသေးတယ်။ (စင်ကာပူ၊ ထိုင်း၊ အစ္စရေးတို့မှလဲ ဒီကို ကူးလာတဲ့သူများ ရှိတဲ့အတွက်ပါ) ငရဲအလားပေါ့။

Sunday တစ်ရက်ပဲ နားရက်ရပြီး မြို့ငယ်လေးတွေမှာ အလုပ်လုပ်ရတဲ့ ရွှေတွေအတွက် သွားရေး/လာရေး အလွန်ခက်ခဲလှတာကတော့ အဓိက ကြတာပေါ့။ အလတ်မတို့မြို့မှာကတော့ Bus ကားလိုင်းတွေက အများကြီးမို့ ဘယ်သွားသွား အဆင်ပြေတယ်လေ။ ကားခကို 2 Euro ပေးပြီး One Day လို့ပြောဝယ်လိုက်ရင် တနေ့လုံး ကားလျှောက်စီးတောင်ရသေးတယ်။ အဲ့ဒီ့ Ticket နဲ့ မြို့ထဲသွားတဲ့ ကြိုက်တဲ့ကားကို တက်စီးလို့ရတယ်။ တချို့ဆို အိမ်နီးတော့ လမ်းလျှောက်ကြတယ်။ အဝေးကြီးကို သွားစရာရှိရင် ရွှေအချင်းချင်း အဲ့ဒီ့ Ticket လေး ငှားပြီး သွားချင်တဲ့နေရာ သွားကြသေးတယ်။ 2 Euro သက်သာလဲ နဲလားနော့။ အဓိက သွားချင်တဲ့ နေရာသွားရဖို့ပဲလေ။

ရောက်လာတဲ့ အသစ်မှန်သမျှ ဒုက္ခမျိုးစုံ ခါးစီးခံကြပြီး `ပျင်းတယ်´ `ပြန်ချင်တယ်´ ဆိုတဲ့ စကားလုံးလေးတွေပဲ ကြားနေရတတ်တယ်။ တချို့Sundayနားရက်မရတဲ့ ရွှေတွေဆို ပိုလို့တောင် သနားစရာ ကောင်းသေး။ တော်တော်များများက အေးဂျင့်ခပေးပြီး လာရတဲ့အတွက် တခြားလိုအပ်တာတွေ (Phone, Computer, DVD, MP3) ၀ယ်ဖို့ထက် အေးဂျင့်ခကျေဖို့ကိုပဲ ကြိုးစားပြီးနေကြရတယ်။ Computer ရှိတဲ့ ရွှေတွေအတွက်ကျပြန်တော့လဲ နားရက်မရလဲ အပျင်းပြေစရာက ရှိနေတော့ `ပျင်း´ စကား သိပ်မကြားရပြန်ပေဘူးပေါ့။

ဘယ်ရွှေပဲဖြစ်ဖြစ် ရောက်ခါစမှာ `ပျင်း´ ဆိုတဲ့ စကားလုံးနဲ့တော့ ကိုက်ညီနေတတ်ကြပြန်တယ်လေ။ တဖြည်းဖြည်းနဲ့ လုပ်သက်လေးရလာလို့ `ပျင်း´ တာလေး ပျောက်ပြီး `ပျော်´ တာလေးရောက်လာပြန်တယ်။ သွားတတ်/လာတတ်၊ ပေါင်းတတ်/သင်းတတ်လို့ လူရည်လေးလည်၊ အ၀တ်အစားလေးလဲ စတိုင်ကျကျ ၀တ်တတ်လာကြတယ်။

လည်တတ်လာပြီး ကိုယ့်ကိုကိုယ်လှအောင်လဲ ပြင်ပြီး သွားစရာလမ်းစလေးများကလဲ များလာတတ်ပြန်တယ်။ တခြားမြို့တွေကို လျှောက်လည်ရင်းနဲ့ပဲ ပျော်ရွှင်စွာ ဘ၀ခရီးကြမ်းလေးကို ဖြတ်သန်းပြီး ကုန်ဆုံးစေ ခဲ့တယ်။ နွေရာသီဆို Beach ရှိတဲ့မြို့က ရွှေတွေအတွက်တော့ အားအားရှိ ရေဆင်းကူးပြီး ပျော်နိုင်ပေမဲ့ အလတ်မတို့မြို့မှာတော့ Beach မရှိလို့ သူများမြို့သွားပြီး ရေကူးရင်း ပျော်အောင်နေတတ်တဲ့ အကျင့်လေးဖြစ်အောင် လေ့ကျင့်ခဲ့ရတယ်။

သင်္ကြန်ပွဲတော်တို့၊ တခြားပွဲတော်တွေရှိပြန်ရင်လဲ ကိုယ်နေတဲ့မြို့ကိုယ်စားပြု တက်ကကြရင်း ပျော်ရွှင်ခဲ့ကြရပြန်တယ်။

တချို့ရွာသူလေးများက ဒီ့ထက်တောင်ပျော်စရာကောင်းတဲ့အကြောင်းလေးတွေရှိသေးပြန်တယ်။ ဖူးစာရေး နတ်မင်းကြီးကြောင့်ပဲဆိုရမလား၊ အောင်သွယ်တော်တွေကောင်းလို့ပဲလို့ ဆိုရမလားတော့သိဘူး။ အချစ်ဇာတ်လမ်းလေးတွေဖြစ်ပြီး လက်ထပ်တဲ့သူထပ်၊ စေ့စပ်တဲ့လူထပ်နဲ့ အပျော်လေးတွေ ဖန်တီးတတ်ကြတယ်။

ဂေါ်မစွံလူပျိုကြီး/အပျိုကြီးတွေကလဲ အောင်သွယ်ကောင်းလို့ စွံသွားကြသလို၊ ရွာမှာ ရည်းစားနဲ့ပြတ်လုလု ရွာသူလေးများကလဲ ဒီမှာအသစ်ရှာပြီး အတိတ်ဘ၀ကို မေ့သွားတတ်ကြသေးတယ်။

တချို့များကြတော့ ဦးနှောက်နဲ့ရွေးပြီး မိမိဘ၀ လက်တွဲဖော်နဲ့ ပျော်ရွှင်စေခဲ့ပြန်တယ်။ (အလတ်မနဲ့များ တခြားစီ)

ဒီလိုနဲ့ အပျော်ကိုယ်စီနဲ့ အချိန်ကုန်မှန်းမသိကုန်ခဲ့တယ်။ `ပျော်လို့ အားရနေပြီဆိုမှ´ (၄) နှစ် Visa ပြည့်ပြီမို့ ပြန်ဖို့ `ပြေး´ ဖို့ ပြင်ရပြန်တာပေါ့။ (ပုံမှန်အားဖြင့် (၄) နှစ်ပဲရကြပြီး Visa အမျိုးအစားပေါ်မူတည်ပြီး ထပ်တိုးလို့ ရတာတွေလဲ ရှိပါသည်။)

ရွာကို `ပြေး´ ကြတဲ့ တချို့ ရွှေများကြတော့လဲ သံယောဇဉ်မကုန်စွာ ပြန်လာဖို့ စာအုပ်လေး နာမည်ပြောင်းပြီး ထပ်လာကြပြန်ရော။ ရိုးရိုးဗီဇာမရရင်လဲ Student Visa လေးနဲ့ ပြန်လာကြပြန်ပြီး `ပျော်´ ရွှင်စွာ အလုပ်လုပ်ကြလေပြန်တယ်။ ဒီနိုင်ငံက ယောက်ျားလေး Visa ခက်တဲ့အတွက်ကြောင့် အထူးသဖြင့် ယောက်ျားလေးများ Student Visa ဖြင့် လာရခြင်းဖြစ်ပါသည်။ အခုနောက်ပိုင်း ဒီနိုင်ငံသည် Europe Member ဖြစ်သွားသဖြင့် European အလုပ်သမားများပဲခန့်ရမည်ဟု သဘောတူညီမှုဖြင့် Asian များနေရာတွင် European များဝင်လာခြင်းကြောင့် မိန်းခလေးများအတွက် ဗီဇာမှာလဲ အရင်ကလောက် မလွယ်ကူတော့ပါ။ ကံပေါ်မှာလည်း မူတည်၍ နေပါသည်။

ဒီလိုနဲ့ ရွှေများမှာ ရောက်ခါစ `ပျင်း´ ၍ `ပျော်´ လာသောအခါ `ပြေး´ ရပါလေတော့သည်။