Tuesday 31 January 2012

အတုယူရာဝယ် (၂)

အလတ်မတို့ ရွှေမြန်မာပြည်မှာဆို ကိုးရီးယားရောဂါလို့ပြောရလောက်အောင် ကိုးရီးယားကားတွေ အင်မတန် ပေါများလွန်းပါတယ်။ အိမ်တိုင်းနီးပါး ကိုးရီးယားကားတွေ ရှိတတ်ကြပါသည်။ ကိုးရီးယားတွေ ကြည့်ရသည်မှာ ကောင်းပါသည်။ မကောင်းသည်ဟု မဆိုလိုပါ။ ကောင်းလို့လဲ MWD တို့၊ MRTV တို့က ပြသပေးနေပါသည်။ ဒါပေမဲ့ လူငယ်တွေက အဲ့ဒီ့ထဲကအတိုင်း ၀တ်ပုံ စားပုံကို အတုယူကြပြီး ဘာဖြစ်လို့များ ပညာရေး၊ စီးပွားရေးတွေ အတုမယူတတ်ကြပါလိမ့်လို့ တွေးမိပြီး ရင်နာရပြန်ပါသည်။

အတုယူမည်ဆိုလျှင်...ကိုးရီးယားနိုင်ငံရဲ့ အတော်ဆုံးကျောင်းသားများရဲ့ အဓိကဆန္ဒမှာ ဆရာဖြစ်လိုကြပါသည်။ သူတို့လူမျိုးများသည် ဆရာများအပေါ်တွင် ရိုသေလေးစားမှု အမြင့်ဆုံးဖြစ်ပါသည်။ လစာမှာလဲ အများဆုံးရပါသည်။ အိမ်ထောင်ဖတ် ရွေးချယ်မှုတွင်လဲ ထိပ်ဆုံးအဆင့်တွင် ရှိပါသည်။

ကိုးရီးယားနိုင်ငံသည် PISA တွင် သင်္ချာနှင့် စာဖတ်မှုစွမ်းရည် ပထမဆုရခဲ့ပြီး၊ သိပ္ပံဘာသာတွင်လဲ တတိယဆု ရခဲ့ကြောင်းကိုလဲ သိစေချင်ပါသည်။ ယခုကဲ့သို့ ထူးချွန်ရခြင်းမှာလဲ ကျောင်းချိန်ပြင်ပ၌ အချိန်ပေးပြီး လေ့လာကြသောကြောင့်ဖြစ်ပါသည်။ မိဘများ၏ အဓိက ရည်ရွယ်ချက်မှာ နိုင်ငံတကာအဆင့်မှီ (နိုင်ငံဂုဏ်ဆောင်) သားကောင်း၊ သမီးကောင်းများဖြစ်စေလိုခြင်းဖြစ်ပြီး ယခုအခါ ဥရောပနှင့် အမေရိကန်နိုင်ငံများအထိ ပညာသင်ကြားဖို့ စေလွှတ်လျှက်ရှိပါသည်။ အဲဒါကြောင့် ကိုးရီးယားနိုင်ငံသည် သိပ္ပံနှင့် နည်းပညာတွင် ပါရမီရှင်များ ပေါ်ထွက်သည့် နိုင်ငံအဖြစ် ကျော်ကြားလှပေသည်။

တချို့ကိုးရီးယားကားများသည် အတုယူတတ်လျှင် အတုယူစရာ အင်မတန်မှကောင်းလှပါသည်။ သူတို့ပြောချင်တဲ့ Message လေးတွေကို ချပေးထားတာကိုက ပညာသားပါလှပါသည်။ သို့ပေမဲ့လည်း ရွှေမြန်မာလေးများ တလွဲဆံပင်ကောင်းကြပြန်ပါသည်။

ကိုးရီးယားကားလူမျိုးများသည် သူတို့ရဲ့ ရိုးရာယဉ်ကျေးမှုကို အင်မတန် တန်ဖိုးထားကြ ပါသည်။ ခေတ်ပေါ်ကားတွေ ရိုက်တဲ့ ဒါရိုက်တာတွေရှိသလို၊ သူတို့ရဲ့ သမိုင်းနဲ့ ရိုးရာဓလေ့ကိုလဲ မပျောက်ပျက်အောင် ထိန်းသိမ်းထားနိုင်တဲ့ ဒါရိုက်တာများစွာလဲရှိပါသည်။ (ဥပမာ - နန်းတွင်းရတနာကားမျိုး)

ရွှေမြန်မာမလေးများ ကိုးရီးယားကားတွေထဲကလို အတို၊ အပြတ်၊ ချက်ပြုတ်၊ အဟိုက်တွေ လိုက်ဝတ်ကြပါသည်။ ကိုးရီးယားသူလေးများက အသားဖြူသူကလေးတွေ များလွန်းတာကြောင့် ဘယ်လို ကြည့်ကြည့် လှနေပါသည်။ ကျွန်မတို့ မြန်မာရွှေမကလေးများမှာ လှတဲ့လူလဲ ရှိသလို၊ မလှတဲ့လူများလဲ များလှပါသည်။ သူများဝတ်တာ လိုက်ဝတ်ကြပါ။ မ၀တ်နဲ့မပြောပါဘူး။ ကိုယ်နဲ့ လိုက်လား? မလိုက်လား? ဆိုတာတော့ ကိုယ်ပိုင်ဦးနှောက်ကလေး သုံးပြီးမှ ၀တ်စေချင်ပါသည်။

ကိုးရီးယားသူလေးတွေ Video ထဲမှာ အတိုဝတ်တာက ကိုယ်ပိုင်ကား (သို့) Taxi စီးကြ၊ လမ်းလျှောက်ကြတာဆိုတော့ ဘယ်လိုမှ မျက်စိထဲမှာ အနှောက်အယှက် မဖြစ်မိပါဘူး။ ပြီးတော့ သူတို့က အတိုဝတ်တာကြာလှပြီဆိုတော့ ဘယ်လိုထိုင်ရမယ်ဆိုတာ သိပြီးသားလေ။ ကျွန်မတို့ တချို့ရွှေမြန်မာမလေးတွေ Bus ကား တိုးစီးပြီး အတိုဝတ်တာဆိုတော့ ဘယ်လိုထိုင်ရမယ်ဆိုတာလဲမသိ၊ ကိုယ့်စီးတဲ့ ကားပေါ်မှာ ဘုန်းကြီး၊ သီလရှင်၊ လူကြီးတွေကြားထဲ မထိုင်တတ်တာကို မြင်ရတာ အင်မတန်မှ အရုပ်ဆိုးလှပါသည်။

သူတို့ ခြေသလုံးလေးတွေက ရှည်ရှည်သွယ်သွယ် ဖွေးဖွေးလေးမို့ ကြည့်လို့ကောင်းသလို၊ ရွှေမြန်မာလေးများရဲ့ တချို့ ခြေသလုံးတုတ်တုတ်၊ အမာရွတ်တွေ ဗလဗွ၊ ဂုန်ညှင်းကွင်း မဲမဲလေးတွေနဲ့မို့ `ယိုသူမရှက်၊ မြင်သူမရှက်´ လှပါသည်။

ရွှေမြန်မာတို့ရဲ့ ၀တ်စားပုံမှာ လုံချည် မှ လုံချည်စကပ်၊ လုံချည်စကပ် မှ စကပ်တို၊ စကပ်တို မှ ဘောင်းဘီတို... အဆင့်သို့ တက်လှမ်းပြီး အတုယူနေကြသည်မှာ ယောက်ျားလေးများအဖို့ ကြည့်လို့ကောင်းသည်ဟု ဆိုကြပြန်သည်။

အလတ်မလဲ ငယ်ရာက ကြီးလာသူပါ။ သူတို့ကလေးတွေကို မနာလိုလို့ လိုက်ပြောနေခြင်း မဟုတ်ပါ။ ၀တ်ပါ။ ၀တ်ကြပါ။ အန္တရာယ်ကို ဖိတ်ခေါ်တဲ့ ၀တ်စားမှုမျိုးတော့ မဖြစ်စေလိုပါ။

ကျွန်မ အခုရောက်ရှိနေတဲ့နိုင်ငံမှာ ကျွန်မတို့ ရွှေမြန်မာနိုင်ငံရဲ့အိမ်ထောင်ရေးအကြောင်းပြောရသည်မှာ အလွန် ဂုဏ်ယူလှပါသည်။ ကျွန်မ ဂုဏ်ယူစွာပြောလေ့ရှိသည့် အကြောင်းများမှာ မြန်မာလူမျိုးအများစုမှာ `တစ်လင် တစ်ယား စနစ်ကိုကျင့်သုံးကြောင်း၊ လူကြီးမိဘကို ရိုသေကြောင်း၊ ဘာသာတရားကိုင်းရှိုင်းကြောင်း၊´ တို့ဖြစ်ပါသည်။ ယခုအခါ ရွှေမြန်မာအများစုမှာ ကိုးရီးယားကားထဲက အတိုင်း အိမ်ထောင်ရေး ဖောက်ပြန်မှုတွေကို အတုယူနေကြသည်ဟု ကြားသိရပါသဖြင့် အော့နှလုံး နာလှပါသည်။ ကျွန်မ အနေဖြင့် ကြွားထားသော စကားကိုပြန်ရုတ်သိမ်းရမလိုဖြစ်နေသည့်အတွက် အင်မတန်မှ စိတ်မကောင်းလှပါ။

မြန်မာမကလေးများမှာလဲ ရည်းစား (၄) ယောက်၊ (၅) ယောက် တပြိုင်ထဲထားပြီး အတုခိုးနေကြသည်များမှာလဲ မိဘများ၊ မောင်နှမများ၊ အစ်ကိုများအနေဖြင့် ကိုယ့်သမီး၊ ကိုယ့်ညီမ၊ ကိုယ့်အစ်မကို ကာကွယ်စောင့်ရှောက် စေလိုပါသည်။

အင်တာနက်ပေါ်တွင် မြင်တွေ့နေရသည့် မြန်မာအဆိုတော်၊ သရုပ်ဆောင်များ၏ ၀တ်စားဆင်ယဉ်ပုံမှာလဲ တစ်ခါတစ်ခါ ရီချင်စဖွယ်ကောင်းလှပါသည်။ နိုင်ငံခြား ၀တ်စားဆင်ယဉ်မှုကို အတုယူရာတွင် အမြင်လဲ ရှိဖို့ လိုအပ်လှပါသည်။ ငါ့ရှိလို့ ငါဝတ်တာ ဘာဖြစ်လဲဆိုပြီး ၀တ်ချင်လဲ ၀တ်ပါ။ သူများ ဟားချင်စရာဖြစ်အောင်တော့ မ၀တ်မိဖို့ လိုအပ်လှပါသည်။

အနောက်တိုင်း လူမျိုးများရဲ့ ၀တ်စားပုံမှာကတော့ ရာသီဥတုနဲ့ အချိန်အခါကိုလိုက်ပြီး ၀တ်ဆင်ကြပါသည်။ စပ်စုထားသမျှကို ပြောရမယ်ဆိုရင် Witter Dress, Summer Dress, Spring Dress, Evening Dress (Party Dress), Formal Dress, Wedding Dress, Classic, Casual, Swimwear (Beachwear), Nightwear (Pyjamas), Maternity & Nursing Wrap Dress, Sportwear တွေဆိုပြီး နိုင်ငံအလိုက် အခေါ်အဝေါ် အမျိုးမျိုးတွေ ရှိတတ်ပါတယ်။

Summer ရာသီမှာ Summer အ၀တ်အစားကို ၀တ်ဆင်ကြပါသည်။ Summer မှာ သူ့ရာသီချိန်မှာ ၀တ်တဲ့ အ၀တ်အစားကို မ၀တ်ပဲ အပြင်သွားမိရင် ၀ိုင်းကြည့်ပြီး အတင်းပြောတာ ခံရတတ်ပါတယ်။ အထူးသဖြင့် Summer မှာ အဖြူဝတ်တာများကြပြီး... Spring မှာ အဖြူဝတ်မိရင်လဲ လူကြည့်ခံရတတ်ပါတယ်။ ရောမရောက်တော့ ရောမလိုကျင့်ဆိုသလို အလတ်မတို့လဲ မနည်းကို ၀တ်စားဆင်ယဉ်မှုကို လိုက်ပြီး အတုယူနေရပါတယ်။

အလတ်မတို့ ရွှေရွာမှာဆို ၀တ်ချင်သလို ၀တ်ကြပါတယ်။ Sportwear ကိုလဲ ဆောင်းဝတ်ကြသလို၊ နွေရာသီ၊ မိုးရာသီလဲ ၀တ်ကြပါတယ်။ အနောက်နိုင်ငံကြီးများမှာဆိုရင်ဖြင့် Sportwear ကို အားကစားလုပ်တဲ့အချိန်နဲ့ ကိုယ်ကာယလေ့ကျင့်တဲ့အချိန်မှာပဲ ၀တ်ကြပါတယ်။ တခြားအချိန်မှာ မ၀တ်ကြပါဘူး။

နွေရာသီတွင် Slipper များ ၀တ်သလို၊ Boot (ဘွတ်ရှည်) ဖိနပ်များကိုလဲ ဆောင်းရာသီမှာပဲ ၀တ်ကြပါသည်။ ဟိဟိ တချို့ နာမည်ကြီးတဲ့သူများလို့ စင်ပေါ်မှာ မ၀တ်ပါ။

`တောင်းမှာ အကွပ်၊ လူမှာအ၀တ်´ ဆိုတဲ့ ဆိုရိုးနဲ့အညီ ၀တ်တတ်စေချင်ပါတယ်။


အတုယူရာဝယ်

ကမ္ဘာပေါ်မှာရှိတဲ့ လူသားသန်းပေါင်းမြောက်များစွာရှိသည့်အနက် အတုယူပုံ ယူနည်းများစွာရှိကြပါသည်။ အလတ်မလဲ အတုယူသင့်တယ်ထင်လျှင် ယူခဲ့ဖူး၊ ယူနေဆဲပါ။ အတုယူတိုင်းလဲ မကောင်းပါ။ ကိုယ်ပိုင်ဦးနှောက်ဖြင့် ဆင်ခြင်ပြီး ယူသင့်မှ ယူစေလိုပါသည်။

ယခုခေတ် ရွှေမြန်မာပြည်မှ ကလေးများသည် အတုယူတာ မြန်လွန်းလှပါသည်။ (၈) တန်း၊ (၉) တန်း၊ (၁၀) တန်းနဲ့ ဟိုတယ် တက်အိပ်နေကြသည်ကိုလဲ ကြားရပါသည်။ ရင်ထဲမှာ မကောင်းလှပါ။ ယောက်ျားလေးများ ကိုလဲ နှမချင်းစာနာတတ် စေလိုပါသည်။ အလတ်မကတော့ မောင်လေးကို ဒီလိုပဲ ဆုံးမပါတယ်။ `သူများ သားသမီးကို ယူနိုင်မှ အတူတူနေ၊ မယူနိုင်ရင် မနေနဲ့´လို့။

နိုင်ငံခြားကားတွေကိုကြည့်ပြီး Living together နေတာကို အတုယူသည်ဆိုလျှင် သူတို့နိုင်ငံရဲ့ တခြား အတုယူစရာများကိုလဲ ယူစေချင်ပါသည်။ အနောက်နိုင်ငံကြီးများမှ ကလေးများတွင် `ယောက်ျားနောက် လိုက်ပြေးသည်၊ မိန်းမခိုးပြေးသည်´ဟု မကြားဖူးပါ။ ကျွန်မတို့ ရွှေမြန်မာပြည်မှ ကလေးများသည် တချို့ (၉) တန်း၊ (၁၀) တန်းနဲ့ ယောက်ျားနောက်လိုက်ပြေးလို့ ပညာရေးဆုံးခန်းမတိုင်သည့် လူငယ်များစွာ ရှိကြပါသည်။ အထူးသဖြင့် နယ်မှ ကလေးများဖြစ်ပါသည်။

အသက် (၁၆)နှစ်၊ (၁၇)နှစ် နှင့် မိဘ ဘ၀သို့ရောက်ခဲ့သူများလဲ ရှိပါသည်။ ဒီအရွယ်နဲ့ မိဘဖြစ်ပြီး၊ မိဘကိုယ်တိုင်က (၁၀) တန်းမအောင်၊ ဘွဲ့မရ ဘ၀ကိုရောက်မှတော့ မွေးထားတဲ့သားသမီးကို ဘယ်လိုအခြေအနေမျိုးနဲ့ ပညာတတ်ဖြစ်အောင် ပြုစုပျိုးထောင်နိုင်ကြမလဲဆိုတာကို တွေးတတ်ဖို့ လိုအပ်လှပါသည်။ ကျွန်မတို့ ရွှေမြန်မာ အများစုမှာ လူလတ်တန်းစားနှင့် ဆင်းရဲသားတွေ များကြပါသည်။ ကိုယ့်ဘ၀ကို သိဖို့ အလွန်အရေးကြီးပါသည်။

Living together နေပါ။ မနေနဲ့ မပြောပါဘူး။ (ပြောလို့လဲ ရမှာမှ မဟုတ်တာ) မိဘက မရှိမဲ့ ရှိမဲ့လေး ကုတ်ကပ်စုပြီး သားသမီးတွေကို (၁၀) တန်းလေးအောင် အဝေးသင်လေး ဆက်တက်ပြီး ပညာတတ် တစ်ယောက် ဖြစ်စေချင်တာတော့ မိဘတိုင်းရဲ့ မေတ္တာနဲ့ စေတနာပါ။ လူငယ်တွေ အနေနဲ့ မိဘရဲ့မေတ္တာကို မစော်ကားဖို့တော့ အရမ်းကို အရေးကြီးပါသည်။ လူငယ်ဘ၀ရည်းစားထားတယ်။ အတူတူနေကြတယ်။ အပစ်လို့ မပြောပါဘူး။ နေပါ။ ကိုယ်လဲ ကိုယ်နေချင်သလိုနေပြီးပြီဆိုရင် မိဘကိုလဲ သူတို့ဖြစ်စေချင်တဲ့ ဆန္ဒလေး အတိုင်း နေပေးကြပါ။

ရည်းစားနဲ့အတူတူနေတဲ့ ယောက်ျားလေး၊ မိန်းခလေးတိုင်းကိုလဲ သစ္စာရှိစေလိုပါသည်။ ရည်မှန်းချက်တွေလဲ ရှိစေလိုပါသည်။ ငါတို့ချစ်လို့ အတူတူနေပြီးပြီ အခုငါတို့က မိဘရှာတဲ့ပိုက်ဆံနဲ့ ကျောင်းတက်နေရတယ်။ သူတို့ရဲ့ ဆန္ဒကို ငါတို့ဖြစ်အောင် အကောင်အထည်ဖော်ပေးရမယ်။ အခု နင်နဲ့ငါ ဘ၀တစ်ခုကို အတူတူ တည်ဆောက်မယ်ဆိုရင် ငါတို့ရဲ့ မိဘတွေပဲ ငါ့တို့ရဲ့ မင်္ဂလာစားရိတ်၊ ငါတို့ရဲ့ ရှေ့ဆက်မဲ့ ဘ၀ခရီးအတွက် စိတ်ဆင်းရဲရမယ်။ ငါတို့လဲ ခဏတာပဲ ပျော်ရမယ်။ အဲ့ဒီ့တော့ နင်လဲ ကျောင်းပြီးအောင်တက် ငါလဲ ကျောင်းပြီးအောင်တက်မယ်။ (၂) ယောက်လုံးဘွဲ့ရအောင်ကြိုးစားမယ်။ ဘွဲ့ရပြီးတာနဲ့ ငါတို့အလုပ်လုပ်ပြီး ပိုက်ဆံစုမယ်ဆိုပြီး ညှိညှိနှိုင်းနှိုင်း တိုင်တိုင်ပင်ပင်နဲ့ ရည်မှန်းချက်ထားဖို့မှာ ဖြစ်သင့်သည့် ရည်ရွယ်ချက်ပါ။ ငါတို့ဘ၀သစ်တစ်ခုကို တည်ဆောက်ကြမယ်ဆိုပြီး သစ္စာရှိရှိနဲ့ တွဲတဲ့ အတွဲ ဘယ်နှစ်တွဲများတွေ့ဖူးပါသလဲ? အဲ့ဒီ့အတွဲကို ဂုဏ်ယူပါတယ်။ အဲ့ဒီ့အတွဲကမှ တကယ့် ကိုယ်ပိုင်ဥာဏ်ကို အသုံးပြုတဲ့ ပညာရှိအတွဲလို့ တင်စားလိုက်ပါသည်။

အလတ်မတို့ ရွှေမြန်မာပြည်မှ ကလေးများကိုလဲ အနောက်နိုင်ငံမှာ ကလေးများလို ဖြစ်စေချင်ပါသည်။ အနောက်နိုင်ငံမှ ကလေးအများစုသည် သူတို့ရဲ့အသက် (၁၆) နှစ်ကျော်မှာ သူတို့တက်ချင်တဲ့ တက္ကသိုလ်ကို ရွေးချယ်ပြီး ဖြစ်ပါသည်။ မိဘများကလဲ တက်ချင်သည့် တက္ကသိုလ်ကို ခွင့်ပြုကြသည်။ မိဘများရဲ့ ရည်မှန်းချက်မှာ သားသမီးဖြစ်ချင်တာ လုပ်ချင်တာကို လုပ်ခွင့်ပြုမှ အောင်မြင်သည်ဟူ၍ ဖြစ်သည်။ လူတိုင်း လူတိုင်းတွင် ၀ါသနာပါသည့်အလုပ်ကို လုပ်ခွင့်ရသူများမှာ တခြားလူများထက် ပိုပြီးအောင်မြင်ကျော်ကြား ကြသည်ကို သတိပြုမိကြဖို့ မိဘများအနေဖြင့်လည်း လိုအပ်လှပါသည်။

အလတ်မ အခုနေထိုင်သည့် အနောက်ဥရောပနိုင်ငံတစ်ခုတွင်မူ ကလေးများကို အသက် (၆) နှစ်မှစ၍ အစိုးကျောင်း အပ်ခွင့်ပြုပါသည်။ ဆိုလိုသည်မှာ ကလေးတစ်ယောက်ရဲ့ ဦးနှောက်ဖွံ့ဖြိုးမှု အချိန်ရောက်မှ ကျောင်းပညာ (အတန်းပညာ)ကို စပြီး သင်စေလိုပါသည်။ အလတ်မတို့ ရွှေမြန်မာပြည်တွင် သားသမီးများကို (၅) နှစ် တချို့ဆိုလျှင် (၅) နှစ်မပြည့်သေးတာကိုပင် လိမ်၍ ကျောင်းအပ်ကြပါသည်။ မိဘများ သတိပြုစေရန်မှာ ကိုယ့်သားသမီးကို တကယ်ပညာတတ်စေလိုလျှင် ဆန္ဒမစော စေလိုပါ။ မိဘများကိုလဲ အတုယူစေလိုပါသည်။

ဒီနိုင်ငံက ကျောင်းတိုင်းတွင် အသက် (၁၅ မှ ၁၈) နှစ်ဆိုလျှင် Sexual ဘာသာရပ်ကို သင်ယူကြရပါသည်။ အရွယ်ရောက်တဲ့ လူငယ်များအတွက် ဗဟုသုတ၊ ပညာရသည့်အတွက်ကြောင့် ရွှေမြန်မာကလေးများလို `မိန်းမခိုးပြေး၊ လင်နောက်လိုက်ပြေး´ တာ မရှိခြင်းလဲ ဖြစ်ပါသည်။ သူတို့အနေနဲ့ Living together ဆိုသည်မှာ ပညာရေးလောက် အရေးမကြီးပါ။ ကလေးများအနေဖြင့် ပညာရေးသည် ပထမ၊ ပညာရေးသည် ဒုတိယ၊ ပညာရေးသည် တတိယဖြစ်ပါသည်။ ပညာရှာရတွင်လည်း တကယ့်ကိုယ်ပိုင်အရည်အချင်းအစစ်နဲ့ သင်ယူကြပါသည်။ သူတို့စိတ်ထဲတွင်လည်း ပညာတတ်မှ လူရာဝင်မည်။ တစ်ဘ၀လုံးအတွက် ခိုင်မာမည်ဟု ခံယူထားကြပါသည်။ မိဘများမှ ခိုင်မာသည့် ဆုံးဖြတ်ချက်ချနိုင်လောက်အောင် ၀ိုင်းဝန်းပံ့ပိုးပေးကြပါသည်။

အသက် (၁၈) နှစ်ပြည့်မှ အစိုးရကျောင်းပြီးပါသည်။ အဲဒါကြောင့် သူတို့လိုချင်သည့် တက္ကသိုလ်ကို အသက် (၁၆) နှစ်တွင် ငါကတော့ ဆေးတက္ကသိုလ်တက်မှာဆိုတော့ အခုထဲက ကြိုးစားရမယ်။ ငါကတော့ အင်ဂျင်နီယာလုပ်မှာဆိုတော့ အခုထဲက အရှိန်ယူရမယ်ဆိုပြီး ကိုယ်ပိုင်ဆုံးဖြတ်ချက်နဲ့ ရွေးချယ်ကြပါသည်။ တချို့ကလေးများသည် မိမိဝါသနာပါသည့် အနုပညာကျောင်းတက်ချင်သည်ကို မိဘများမှ ခွင့်ပြုကြတာလဲ တွေ့ဖူးပါသည်။ အတန်းတင်စာမေးပွဲအပြီး (၂) လ နဲ့ (၅) လကြားတွင် တက္ကသိုလ်ဝင်ခွင့် စပြီးတင်ရပါသည်။ အသက် (၁၈) နှစ်ပြည့်ပြီးတဲ့ ယောက်ျားလေးတိုင်း စစ်ထဲ မ၀င်မနေရ ၀င်ရပါသည်။ စစ်သင်တန်း (၂) နှစ် တက်ပြီးမှ တက္ကသိုလ်တက်ခွင့်ပြုပါသည်။

ယခုခေတ် လူငယ်တိုင်း ပညာတတ်ကြပါသည်။ ပညာမတတ်တဲ့လူ အင်မတန်မှ ရှားပါး ပါသည်။ နောက်ထပ် ကျောင်းတွင် မယူမရနေရ ယူရသည်မှာ ဘာသာစကားတစ်ခုဖြစ်ပါသည်။ English လိုတော့ လူငယ်တိုင်းပြောတတ်ကြပါသည်။ သူတို့ မိခင်ဘာသာ၊ English ဘာသာနှင့် တခြားဘာသာစကား တစ်ခု အားလုံးပေါင်း (၃) ခု သင်ရပါသည်။ ဒီနိုင်ငံက ကလေးအများစုသည်လည်း Living together နေကြ ပါသည်။ သူတို့အနေနဲ့ ဤအရာသည် ပညာရေးလောက် အရေးမကြီးပါ။ သူတို့ရဲ့ ရည်မှန်းချက်လောက် အရေးမကြီးပါ။ ကျောင်းမှာထဲက ကြိုက်လာတဲ့ စုံတွဲများမှာလည်း တက္ကသိုလ်ရောက်တဲ့အထိ တွဲကြပါသည်။ တက္ကသိုလ်ချင်းမတူ နိုင်ငံခြားပြီး တက်ရတဲ့အတွဲများလဲရှိပါသည်။ သူတို့ရဲ့ ပညာရေးပန်းတိုင်ပြီးဆုံးလျှင် အမိမြေသို့ ပြန်လာကြပါသည်။

တက္ကသိုလ်ပြီးလို့ ပြန်လာတဲ့ ယောက်ျားလေးတိုင်း မိဘနှင့်အတူ မနေတော့ပါ။ တိုက်ခန်းကို Installment ၀ယ်ပြီး နေကြပါသည်။ အရင် ရည်စားဟောင်းနှင့် Living together နေပါသည်။ သူတို့ လက်ထပ်ဖို့ သင့်/မသင့် အတူတူနေပြီး စဉ်းစားဆုံးဖြတ်ကြပါသည်။ စိတ်သဘောထားခြင်း မတိုက်ဆိုင်မှ နောက်တစ်ယောက် သို့ ပြောင်းတတ်ကြပါသည်။ တစ်ယောက်ထဲကို (၂) ယောက်၊ (၃) ယောက် မထားကြပါ။

တက္ကသိုလ်ကျောင်းပြီးပြီးခြင်း ဘယ်ယောက်ျားလေးမှ မိန်းမ မယူကြပါ။ သူတို့အတွက် ပညာရေးပြီးရင် စီးပွားရေး၊ အလုပ်အကိုင်တစ်ခုရှိဖို့သာလျှင် အဓိကဖြစ်ရပြန်ပါသည်။ အလုပ်အကိုင်၊ အိမ် (တိုက်ခန်း)၊ ကားရှိပြီဆိုလျှင်တောင်မှ ယောက်ျားလေး အများစုမှာ အသက် (၃၂) နှစ် ကျော်မှ မင်္ဂလာဆောင်ကြပြီး ဘ၀တစ်ခုကို စတင်တည်ဆောက်ကြပါသည်။

ဤနိုင်ငံမှ အိမ်ထောင်ရှင်ယောက်ျားလေးအများစုမှာ အသက်ကြီးမှ အိမ်ထောင်ပြုကြရခြင်းမှာ ယောက်ျားလေး များ စစ်သင်တန်း (၂) နှစ်တက်နေသည့်အချိန်တွင် မိန်းခလေးများ တက္ကသိုလ် (၂) နှစ် ပြီးနေပြီး ဖြစ်ပါသည်။ မိန်းခလေးများမှာ ယောက်ျားလေးများထက် (၂) နှစ် စော၍ ကျောင်းပြီးသောကြောင့် ယောက်ျားလေးများ Stable ဖြစ်မှ အိမ်ထောင်ပြုသောကြောင့် ဖြစ်ပါသည်ဟု ယူဆလျှက်....

Monday 30 January 2012

ဝန်ခံချက်

အလတ်မ blog ကို လာလည်ကြသော ချစ်သူငယ်ချင်းများအား ဦးစွာပထမ တောင်းပန်လိုပါသည်။ အလတ်မ Posts

ဝန်ခံချက်

အလတ်မ Blog ကို လာလည်ကြသော ချစ်သူငယ်ချင်းများအား ဦးစွာပထမ တောင်းပန်လိုပါသည်။ အလတ်မ Posts များကို နေ့တိုင်းမတင်နိုင်တာကို ခွင့်လွှတ်ပေးပါလို့။

အလတ်မ ဘယ်အရာကိုမဆို စိတ်မပါပဲ မလုပ်တတ်တဲ့အကျင့်ကြောင့် Blog ကိုနေ့တိုင်း မရေးဖြစ်ပါ။ စိတ်ပါလျှင်လည်း တနေ့ထဲ ၂ ပုဒ်လောက်ရေးဖြစ်ပါသည်။ အလတ်မ ဒီ Blog လေးကို 2007 ထဲက စပြီးဖွင့်ခဲ့ပြီး အားလပ်တဲ့အချိန်နှင့် စိတ်ပါမှရေးတတ်တာကြောင့် ဘယ်သူနဲ့မှ Link မချိတ်ခဲ့ပါ။

သူများတွေက Blogger ကို အဓိပ္ပါယ်အမျိုးမျိုးဖွင့်ဆိုကြသော်ငြားလည်း အလတ်မအနေဖြင့် သူများ (အိမ်) Blogs တွေ လည်လည်သွားပြီး စိတ်မပါလဲ Comments ရေး၊ စိတ်ပါလည်း Comments ရေးပြီး လာလည်တာ လူသိအောင်လဲ မပြောချင်ပါ။ နာမည်ကြီး Blogger လဲ မဖြစ်ချင်ပါ။ ရင်ထဲက ခံစားချက်တွေကို စာအဖြစ် ကောက်ရိုက်လိုက်ခြင်းသာဖြစ်ပါသည်။

အလတ်မ Blog ကို လာလည်တဲ့သူငယ်ချင်းများအတွက် အနှစ်သာရ မရခဲ့ဖူးဆိုလျှင်လည်း နားလည်ပေးကြပါလို့ တောင်းပန်အပ်ပါသည်။

အလတ်မသည် သူများ Blog ရေးလို့ လိုက်ရေးပြီး ငါတို့ Blogger တွေ သတ်သတ်ဖွင့်ထားတဲ့ အကောင့်နဲ့သုံးနေလို့ တခြားအကောင့်တောင် သိပ်မသုံးဖြစ်ဘူးလို့ ကြွားလုံးတွေနဲ့ လာလာပြောသော တချို့ တချို့သော Blogger များကိုလဲ အမြင်ကတ်လှပါသည်။ မနေ့တနေ့ကမှ Blog ရေးပြီး နာမည်မကြီး/ကြီးအောင် ကိုယ့်အလှပုံတွေ တင်ပြီး ဘလော့လူသိများအောင်လုပ်တဲ့ အလုပ်လဲ မလုပ်လိုပါ။

ဘ၀အတွေ့အကြုံများနှင့် ရင်တွင်းဖြစ်များကိုသာ ချရေးခြင်းဖြစ်ပါသောကြောင့် အမှားပါလျှင် (သို့) တစုံ တယောက်သောသူအား ရည်ညွှန်းမိလျှင်လည်း ခံစားနားလည်ပေးစေလိုပါကြောင်း ၀န်ခံလျှက် ..................

အလတ်မ (သို့) ရှင်ထွေး

Monday 9 January 2012

အတိုး

အတိုး... အတိုးဆိုတာ အလတ်မအရွယ်ရောက်ကထဲက မကင်းနိုင်တာက ဒီအတိုးပါပဲ။ (၁၀) တန်းအောင်လို့ ရန်ကုန်မှာ ကွန်ပျူတာသင်တန်းသွားတက်မယ်ဆိုတော့ မေမေက လက်ဝတ်လက်စားအပြည့်အစုံ ဆင်ပေးပြီး မှာတဲ့ စကားတစ်ခွန်းရှိတယ်။ မေမေက သူ့သမီးအလတ်မလေးကို မကောင်းတဲ့ မိန်းမဖြစ်သွားမှာကို အရမ်းစိုးရိမ်ပြီး ဒီလိုမှာလိုက်တယ်။ ``သမီး အခု မေမေ ဆင်ပေးလိုက်တဲ့ ပစ္စည်းတွေက သမီးမှာ ပိုက်ဆံမရှိတဲ့အချိန် စိတ်အားမငယ်ရအောင်၊ သူငယ်ချင်းတွေနဲ့ယှဉ်ရင် ငါ့သမီးလေး အနှိမ်မခံရအောင် ဆင်ပေးလိုက်တာ။ ပိုက်ဆံမရှိဘူးဆိုပြီးတော့ မကောင်းတဲ့လမ်းကြောင်းကိုတော့ မလိုက်မိပါစေနဲ့ သမီးရယ်။ မေမေက သမီးနောက်ကို တကောက်ကောက်လိုက်နိုင်တာမဟုတ်ဘူး။ အဲ့ဒီ့တော့ သမီး မဖြစ်မနေ ပိုက်ဆံလိုတဲ့အချိန်မှာ ဘယ်အမျိုးဆီကမှ လက်ဝါးဖြန့်ပြီး အောက်ကျနောက်ကျမခံရအောင် သမီးဝတ်နေတဲ့ အထဲက တခုခုကို အပေါင်ဆိုင်မှာ သွားပေါင်ပြီး သုံးပါ။ မေမေ ရန်ကုန်လာတော့ ပြန်ရွေးပေးမယ်´´ ဆိုပြီး မှာတမ်းရှည်ကြီးနဲ့ ရန်ကုန်ကို လိုက်ပို့ပါတော့တယ်။

အဲ့ဒီ့အချိန်ကစပြီး အလတ်မနဲ့ အပေါင်ဆိုင်ဆိုတာ အိမ်ဦးနဲ့ကြမ်းပြင်ထက်တောင် ရင်းနှီးသေးတယ်။ ဘယ်လောက် ရင်းနှီးသလဲဆို အပေါင်ဆိုင်ကလင်မယားတောင် ချွေးမခေါ်ယူရတယ်။ ဟိဟိ...

မြန်မာနိုင်ငံမှာတော့ လူတိုင်းအတိုးနဲ့ ကင်း/မကင်း မသိဘူး။ အနောက်နိုင်ငံကြီးတွေမှာတော့ သူဌေးကြီးတွေ၊ ဘဏ်သူဌေးကြီးတွေ၊ ကုမ္ပဏီပိုင်ရှင်တွေတောင် အတိုးနဲ့မကင်းကြဘူး။ အတိုးပေးကြ ယူနေကြတာတွေ့ရ ကြားရတယ်။ အစိုးရတွေအထိတောင် ဘီလံနဲ့ချီပြီး ချေးကြတယ်။ ဘယ်နိုင်ငံကို ဘယ်လောက် ထုတ်ချေး လိုက်တယ်ဆိုတာ သတင်းမှာတွေ့တွေ့နေရတယ်။

အလတ်မ အနေနဲ့တော့ အတိုးယူတာ ရှက်စရာမဟုတ်ဘူးလို့ ထင်တာပဲ။ မေမေအမြဲဆုံးမတဲ့ စကားတစ်ခွန်း ရှိတယ်။ ``သူများ ပစ္စည်း မခိုးနဲ့၊ သူများလင် မခိုးနဲ့´´ တဲ့။ သူများပစ္စည်းခိုးတာ၊ သူများလင်ခိုးတာက ရှက်စရာတဲ့။

အတိုးနာမည်ပေါင်း မြောက်များစွာရှိတာကို စပ်စုထားသမျှ ပြောပြရရင်... နေ့ပြန်တိုး၊ ရွှေတိုး၊ အိမ်ခြံမြေ တိုက်ခန်း (အပေါင်ခံ)အတိုး၊ အလွတ်တိုး၊ တချို့အပေါင်ဆိုင်တွေဆို အတိုးပေးစားတာ လန်ထွက်နေတာပဲ။ (ပုဆိုး၊ ထမီ၊ မီးပူ၊ ပန်ကာ၊ တီဗီ၊ ဒီဗီဒီ၊ စက်ဘီး၊ ဆိုက်ကား၊ ဆိုင်ကယ်) အကုန်လုံးကို အပေါင်ခံပြီး အတိုးပေးစား ကြတာပဲ။

အလတ်မ ဒီကို လာမယ်ဆိုထဲက အတိုးဇာတ်လမ်းက အရှိန်မြင့်တက်လာခဲ့တယ်။ အေးဂျင့်ခကို အိမ်ဂရံပေါင်ပြီး (၇) ကျပ်တိုးနဲ့လာခဲ့တယ်။ ဒီရောက်တော့ (၅) လလောက် အဆင်မပြေတော့ အတိုးတက်ပေါ့။ မတင်တင်အောင် ဆိုတဲ့ အစ်မကြီးက အတိုးမယူပဲ ဒေါ်လာ (၈၀၀) အလကားထုတ်ချေးတဲ့အတွက် နဲနဲအသက်ရှု ချောင်ခဲ့ရလို့ ဘယ်တော့မှ မမေ့တဲ့စာရင်းထဲမှာ(အထူးသဖြင့် ပိုက်ဆံကိစ္စနဲ့ ပတ်သက်လာရင်) ထိပ်ဆုံးက ကျေးဇူးတင်ထိုက် သူပါ။

အလတ်မတို့ အရင်က အတိုးယူသူပေါ့။ ဒီမှာ အလုပ်လေးအဆင်ပြေလာတော့ အတိုးပေးသူဖြစ်လာတယ်။ ပထမဆုံးအတိုးပေးစားတဲ့ သင်ခန်းစာကတော့ လှမှလှပဲ။ သူငယ်ချင်းအရင်းခေါက်ခေါက်ကို တိုက်ခန်း ၀ယ်ရအောင်(၄)ကျပ်တိုးနဲ့ ချေးတော်မူလိုက်တယ်။ (၇)လပဲ အတိုးပေးပြီး။ အရင်းကို (၃)နှစ်လောက် တောင်းယူ ရတယ်။ အဲ့ဒီ့နောက် အလတ်မက ချေးမဲ့လူတွေကို စာချုပ်ချုပ်ပေးဖို့ မေတ္တာရပ်ခံလိုက်တယ်။ (တစ်ခါသေဖူး ပျဉ်ဖိုးနားလည်) မို့ပါ။

အလတ်မက ဘယ်သူ့ကိုမှ ငါ့မှာငွေပိုနေတယ်။ ချေးပါ ချေးပါလို့ လိုက်မပြောဘူး။ သူတို့အကူအညီလိုလို့ ပိုက်ဆံချေးပါ ပြောတယ်။ ကိုယ်ကလဲ အတိုးလိုချင်လို့ ချေးတယ်။ နှစ်ဦးနှစ်ဖက်ပြေလည်ရင် ပြီးတဲ့ကိစ္စပဲလေ။ တချို့ကြတော့ ကိုယ့်မကောင်းကြောင်း ပြောပြီး တခြားတစ်ယောက်ဆီက ပိုက်ဆံချေးတတ်တာကလဲ ရှိသေးတယ်။

အလတ်မလဲ လာတုန်းကတောင် (၇) ကျပ်ပေးပြီး လာခဲ့ရသေးတာပဲ။ သူတို့အနေနဲ့ ဒီမှာ (၅) ကျပ် အလွတ်တိုးကို ပေးရတာ များတယ်ထင်နေကြတယ်။ သူတို့က နာတယ်တောင် ပြောတဲ့လူကရှိသေး။ အလတ်မက သူများတွေလို ယူရို (၇၀၀) (၈၀၀) ဘယ်လောက် ချေးချေး အလုံးအရင်းနဲ့ ပြန်ဆပ်ရမယ်ဆိုပြီး ဘယ်တော့မှ မပြောဘူး။ အဆင်ပြေသလိုဆပ်လို့ပြောတာများတယ်။ (၁၀၀) ပေးပေး၊ (၂၀၀) ပေးပေးလက်ခံတယ်။ ကိုယ်ချင်းစာတယ်။ ရတဲ့လစာနဲ့ အတိုးပေးရတာနဲ့ အိမ်ပို့ရတာနဲ့ဆိုတော့ ဒီချေးထားတဲ့အတိုင်း ပြန်ဆပ်ဖို့သာ စုနေရရင် အတိုးတက်ပြီး ဘယ်အဆင်ပြေပေါ့မလဲ။

အလတ်မတိုက်ခန်းဝယ်ဖို့ ငွေလိုတော့ ဒီက အစ်ကိုနဲ့အစ်မဆီက ပိုက်ဆံဆွဲရတယ်။ သူတို့ကို အတိုးပေးတယ်။ စာချုပ်လဲ ကိုယ့်ဖာသာရိုက်ပြီး လက်မှတ်ထိုးပေးတယ်။ Passport, Visa မိတ္တူတွေပါ ထည့်ပေးလိုက်တယ်။ သူတို့က မယူဘူးပြောတယ်။ ဒါပေမဲ့ အလတ်မကို ချေးလိုက်ရလို့ အိပ်မပျော် စားမ၀င် မဖြစ်စေချင်တာတော့ အမှန်ပါ။ အလတ်မက ကိုယ့်ကို ယုံယုံကြည်ကြည်နဲ့ ချေးတဲ့အတွက် ကျေးဇူးတောင်တင်နေတာ။

အတိုးဇာတ်လမ်းတွေကတော့ အမျိုးမျိုးရယ်။ အလတ်မရဲ့ တက္ကသိုလ်က သူငယ်ချင်းတစ်ယောက်ဆို အခု စင်ကာပူမှာ အလုပ်လုပ်နေတယ်။ သူကျတော့ အိမ်ခြံမြေကို အပေါင်ခံတဲ့အလုပ်ပါ မြန်မာပြည်မှာ လုပ်လိုက်သေးတယ်။ အမယ်.. အိမ်ခြံအပေါင်ခံတာကမှ ဟုတ်သေးတယ်။ တစ်ခါထဲ ၀ယ်/ရောင်း စာချုပ် ချုပ်ရတာဗျ။ မရွေးနိုင်အဆုံးနော်။ အတိုးထဲမှာ အခိုင်ဆုံးက အဲ့ဒီ့အတိုးပဲ။ ဟုတ်နေတာပဲ။

အလတ်မ အဒေါ်တစ်ယောက်က ပန်းဘဲတန်းမှာနေတယ်။ အလတ်မ (၁၆)နှစ် သမီးလောက်ထဲက သူနေ့ပြန်တိုး ပေးစားတယ်။ (၂၀) တိုးနဲ့။ ဒါပေမဲ့ သူ့ကို လူတိုင်းက ချစ်ကြတယ်။ မေမေလေး.. မေမေလေးနဲ့။ အလတ်မတို့ ကျောင်းကပြန်လာတဲ့အချိန် ညနေဘက်ဆို စာအုပ်သေးသေးလေး တစ်အုပ်နဲ့ နေ့ပြန်တိုး လိုက်ကောက်ရတယ်။ ကုန်တိုက်အောက်၊ ကုန်ဈေးတန်းထိပ်၊ (၂၆)လမ်းဈေးစုံနေအောင် လိုက်တောင်း ရတယ်။ ပျော်ဖို့တောင် ကောင်းသေးတယ်။ နေ့ပြန်တိုးယူတဲ့လူတွေက ဒီလောက် (၂၀)တိုးပေးရတာကို ဘာလို့ကျေးဇူးတွေတင်နေလဲဆိုတာကို အရင်က နားမလည်ခဲ့ဘူး။ အခုအဒေါ်ကို ပြန်မေးကြည့်မှ သူတို့က အရင်းအနှီးတပြားမှ မရှိဘူးတဲ့။ အဲဒါ ငါက ဈေးဗန်းရင်းဖို့ ၁ သိန်း၊ ၃ သိန်း၊ သူတို့လိုသလောက်ကို ရင်းပေးလိုက်တော့ သူတို့လဲ စီးပွားဖြစ်တယ်။ တနေ့ကို ၂၀၀၀၊ ၃၀၀၀ ပြန်သွင်းရတော့ မိသားစုလဲ ထမင်းလဲမငတ်ဘူး။ အချိန်တန်လာရင် ဒီဈေးဗန်းက ကိုယ်ပိုင်ဖြစ်သွားတယ်တဲ့။ အဲဒါကြောင့်မို့ ငါ့ကိုကျေးဇူးတင်တာတဲ့။ အော် ဖြစ်မှဖြစ်ရလေ လောကကြီးရယ်လို့တောင် အော်လိုက်ချင်တယ်။

မြန်မာပြည်မှာ သူငယ်ချင်းတစ်ယောက်ပိုက်ဆံလိုလို့ ချေးတာ ရပ်ကွက်လူကြီးရှေ့မှာ စာချုပ်ချုပ် ရတယ်တဲ့။ (၆) ကျပ်တိုးတဲ့။

အလတ်မ ပိုက်ဆံအများကြီးရှိလို့ကတော့ အပေါင်ဆိုင်ဖွင့်စားတယ်။ ခစ်ခစ်...

အလတ်မကတော့ အတိုးပေးတာကို ဒီလိုပဲ ယူဆတယ်။ ကိုယ်လဲ အဆင်ပြေ သူလဲ အဆင်ပြေပေါ့။ ဒယ်အိုးဆရာတော် ဟောတဲ့တရားထဲကလို မဖြစ်အောင်တော့ ကြိုးစားပြီး ချေးပါတယ်။

အတိုးဒဏ်မှ ကင်းဝေးကြပါစေ.....