ရှင်ထွေးလေးရဲ့ အမေ

ကျွန်မရဲ့ အိမ်နာမည်က ``ရှင်ထွေးလေး´´ပါ။

မေမေပေးတဲ့ နာမည်ပေါ့။ ကျွန်မက ငယ်ငယ်ထဲက အတ္တကြီးလို့ ထင်တယ်။ မေမေက ပြောတယ်။ နေရာတကာ ``ရှင်ထွေး´´ အတွက်ကြည့်ပဲတဲ့။ အိမ်မှာ ပစ္စည်းအသစ်ဝယ်တာနဲ့ ``ရှင်ထွေး´´ဟာပဲ။

``ရှင်ထွေး´´ မလိုချင်တော့ မမကြီးရတယ်။ အဲ့ဒီ့တုန်းက ညီမလေး မမွေးသေးဘူးလေ။

``ရှင်ထွေး´´ က တခြားမောင်နှမတွေနဲ့ မတူဘူး။ သူတို့ထက် သာမှ ကြိုက်တယ်။ အမြဲတန်းလဲ သာအောင်လုပ်တယ်။ မာနလဲ ကြီးတယ်။ ငယ်ငယ်တုန်းကဆို မောက်မာတယ်လို့ ဆွေမျိုးတွေက ပြောကြတယ်။ ကြီးတော့ အဲ့လိုကြီးတော့ မရှိတော့ပါဘူး။ ဒါပေမဲ့ မာနကတော့ ရှိသေးတယ်။

ဆယ်တန်းအောင်ပြီး တက္ကသိုလ်တက်မယ်ဆိုတော့လဲ ရန်ကုန်မှာပဲ တက်ချင်တယ်ဆိုလို့ မေမေ့မှာ သန်းခေါင်စာရင်းကအစ လိုက်ပြောင်းပေးရ။ ကျောင်းသွားပေးရနဲ့ အလုပ်ရှုပ်ရတယ်လေ။ အဲ့ဒီ့အချိန်တုန်းက ``ရှင်ထွေး´´က အားဘူး။ ကွန်ပျူတာဒီပလိုမာတက်နေလို့လေ။ မေမေပြောလဲ ပြောချင်စရာပဲလေ.. အရာရာတိုင်းက ``ရှင်ထွေး´´ဖြစ်ချင်တာကို မေမေတို့ မမကြီးတို့က လုပ်ပေးရတာကိုး။

``ရှင်ထွေး´´ ဒုတိယနှစ်မှာ မြန်မာ့အသံမှာ အလုပ်ရတယ်။ ကွန်ပျူတာ ဒီပလိုမာလဲ တက်ရင်း၊ စနေ၊ တနင်္ဂနွေ ပရက်တီကယ်သွားရင်းနဲ့ ``ရှင်ထွေး´´ရဲ့ များစွာသော သင်တန်းတွေကိုလဲ လှည့်ပတ်တက်ရင်း မေမေနဲ့မမကြီးရဲ့ပံ့ပိုးမှု၊ အလိုလိုက်မှု၊ စာနာမှု၊ ချစ်ခင်မှု၊ အားပေးမှုတွေနဲ့ ဘ၀ကို ကျေနပ်ခြင်းများစွာဖြင့် ဖြတ်သန်းခဲ့တယ်။ ကျေးဇူးတင်ပါတယ် မေမေနဲ့မမကြီးရယ်။ ``ရှင်ထွေး´´ လက်ညှိုးညွှန်သမျှ ရေဖြစ်အောင် မေမေနဲ့မမကြီးကပဲ ကူညီအားပေးဖြည့်ဆည်းပေးလို့ပါ။

ဒါပေမဲ့ ``ရှင်ထွေး´´ ရင်ထဲမှာ အထီးကျန်မှုတွေကို လူတွေက မသိကြဘူးလေ။ သူငယ်ချင်းတွေက ပြောတယ်။ ``ရှင်ထွေး´´ က ကံကောင်းတယ်တဲ့။ ဖြစ်ချင်တာ ဖြစ်ခွင့်ရတယ်တဲ့။ ဘ၀နဲ့ဆန္ဒ တစ်ထပ်ထဲ ကြတယ်တဲ့။ ``ရှင်ထွေး´´ တော့ မထင်ဘူး။

``ရှင်ထွေး´´ ရင်ထဲက စကားတွေကို ``ရှင်ထွေး´´ က ထုတ်မပြောတတ်ဘူး။ ထုတ်ပြောရမှာကို ၀န်လေးတယ်။ ပြီးတော့ ``ရှင်ထွေး´´က ပွင့်လင်းတယ်။ လိမ်ညာတာတွေကို မုန်းတယ်။ ``ရှင်ထွေး´´လဲ သိပ်မညာတတ်ဘူး။ ``ရှင်ထွေး´´ကို ညာရင် ``ရှင်ထွေး´´သေအောင်မုန်းတယ်။ ပြီးတော့ ကျန်သေးတယ် ``ရှင်ထွေး´´က အမှတ်သည်းခြေကြီးတယ်။ ဘယ်သူက ဘယ်လိုပုံစံနဲ့ ဘယ်လိုအခြေအနေမှာ ပြောတယ်ဆိုတာက အစ မှတ်မိတယ်။

ငယ်ငယ်တုန်းက စာမကျက်လို့ ဖေဖေကပြောဖူးတယ်။ (၉) နှစ်သမီးလောက်တုန်းကပေါ့။ ဖေဖေက ``မွဲချင်တဲ့ခွေး ပြာပုံတိုး´´တဲ့။

အခုထိ ``ရှင်ထွေး´´ မှတ်မိနေဆဲပါ။ ဖေဖေ့ကို မုန်းလို့ မဟုတ်ပါဘူး။

``ရှင်ထွေး´´က ငယ်ငယ်ထဲက မိသားစုကံမကောင်းခဲ့ဘူး။ ``ရှင်ထွေး´´မိဘတွေနဲ့ အတူတူမနေခဲ့ရဘူး။ ``ရှင်ထွေး´´ရဲ့ ဖွားဖွားနဲ့အန်တီကြီးတို့လက်ပေါ်မှာ ကြီးပြင်းခဲ့ရတယ်။ တက္ကသိုလ်တက်တော့လဲ အတူတူမနေခဲ့ဘူး။ အလုပ်ထဲမှာလဲ အတူတူမနေခဲ့ရဘူး။ အခုလဲ နိုင်ငံခြားရောက်နေလို့ အတူတူမနေရဘူး။

မေမေက ``ရှင်ထွေး´´ကို အမြဲတန်းစာရေးတယ်။ အင်တာနက်မှာ ဘယ်လောက်ပဲ ပြောရ ပြောရ။ ဖုန်းဘယ်လောက်ပဲ ပြောရ ပြောရ။ မေမေက အားရတယ် မရှိဘူး။ မေမေ့စာရဲ့ အောက်ဆုံးနားမှာ မေ့မေ့ sign ရဲ့ အပေါ်က ``ရှင်ထွေးလေးရဲ့ အမေ´´ ဆိုတဲ့ စာလုံးကို ဖတ်ရတိုင်း သမီးမှာ ခွန်အားတွေ တိုးတိုးလာတယ်မေမေ။

``ရှင်ထွေးဘ၀မှာ မေမေက ပထမ၊ မေမေက ဒုတိယ၊ မေမေက တတိယပါ မေမေ´´

``မေမေ အဲဒါတွေ မသိပါဘူး။ မေမေသိအောင်လဲ သမီးပြောဖြစ်မယ် မထင်ပါဘူး´´

ဘာလိုလိုနဲ့ ``ရှင်ထွေး´´ ရဲ့ မိသားစု မေမေတို့ မမတို့ နဲ့ ခွဲနေရတာ (၁၃) နှစ် နီးပါး ရှိနေပါပကောလား... ဘာပဲဖြစ်ဖြစ် ``ရှင်ထွေး´´ ကျေနပ်ပါတယ်။ ``ရှင်ထွေး´´ မေမေ့ကို အကောင်းဆုံးဖြစ်အောင် လုပ်ပေးခဲ့တာကြည့်ပဲလေ။ မေမေဖြစ်ချင်တာတွေကို အခုအချိန်မှာ ဖြည့်ဆည်းပေးနိုင်နေပြီလေ...

မေ့မေ့ သမီး``ရှင်ထွေးလေး´´ က ငယ်ငယ်တုန်းကနဲ့ မတူတော့ပါဘူး မေမေ။

နာမည်တော့ တူသေးပေမဲ့ အခု``ရှင်ထွေး´´က မေမေ့ကို ပူဆာတဲ့ ``ရှင်ထွေး´´ မဟုတ်တော့ဘူး မှတ်လား မေမေ...

ဟုတ်တယ်နော် မေမေ...

ဟုတ်တယ်နော်နော်...

``မေမေ ကျန်းမာချမ်းသာပြီး ကောင်းမြတ်သော လိုအင်ဆန္ဒများ ပြည့်ဝပြီး သာသနာပြုနိုင်သော ဘုရား၊ ကျောင်း၊ ရဟန်း အလှူ့ဒါယကာမကြီးဖြစ်ပါစေ...´´

ချစ်တဲ့

မေမေ့သမီး

ရှင်ထွေးလေး

------------------------------------------------------------------------------------------------------------------------------------------------------

``မေမေ့ကို လွမ်းလို့ ရေးမိပါသည်´´ ( သမီး ပြောမှား ဆိုမှား ရှိရင် ခွင့်လွှတ်ပါလို့ ဒီနေရာကနေပြီး ကန်တော့လိုက်ပါတယ် မေမေ )

------------------------------------------------------------------------------------------------------------------------------------------------------

``ရှင်ထွေး´´ ကို မေမေပေးနေကျ ဆုက ဒီလိုရှင့်။

``ငါ့သမီးရှင်ထွေးလေး သူတော်ကောင်း၊ သူမြတ်လောင်းတွေနဲ့ တွေ့ပြီး မိဘကျေးဇူးသိတတ်သော၊ ပညာထူးချွန်ထက်မြတ်သော သူဌေးမကြီးဖြစ်ပါစေတဲ့´´