သင် စိတ်ဓါတ်ကျနေလား????

တိတ်ဆိတ်ခြင်းကို ရွေးပါ
    တစ်ခါတလေ သင်ဟာ တစ်ပါးသူရဲ့ အထင်လွဲမှုကို ခံရတယ်။ ဒါကို မဖြေရှင်းချင်တဲ့အခါ တိတ်ဆိတ်ခြင်းကို သင်ရွေးလိမ့်မယ်။ အစကတည်းက လူတိုင်းဟာ သင့်ကိုနားလည်သူတွေ မဟုတ်ဘူး။ ဒါကြောင့် လောကကြီးကို ကိုယ့်ဒုက္ခတွေ ကြော်ငြာစရာမလိုဘူးလို့ သင်ထင်တယ်။
    တစ်ခါတလေမှာ သင့်အချစ်ဆုံးသူတွေက သင့်အပေါ် သဘောထားလွဲမယ်။ ဒီလိုအချိန်မျိုးမှာ သင်နာကျင်ခံစားရပြီး မဖြေရှင်းချင်တဲ့အခါ တိတ်ဆိတ်ခြင်းကို သင်ရွေးပါ။ လောကတစ်ခုလုံး သင့်ကို နားမလည်ချင်နေပါစေ။ သင့်အချစ်ဆုံးသူက သင့်ကို နားလည်သင့်တယ်။ တကယ်လို့ သူပါ သင့်ကို နားမလည်ခဲ့ရင် ဘာများပြောစရာ ရှိတော့မလဲ? ဒါကြောင့် တစ်ခါတလေ စကားမပြောချင်တော့တဲ့အခါ မပြောပါနဲ့။ ပြောဖန်များလည်း အရာမထင်တော့တဲ့အခါ ဆိတ်ဆိတ်နေခြင်းက အကောင်းဆုံး ဖြေရှင်း နည်းဖစ်လိမ့်မယ်။


တည်ငြိမ်ခြင်းကို ရွေးပါ
   လူ့ဘဝရဲ့ ချောက်ကမ်းပါးထဲ သင်ပြုတ်ကျသွားတဲ့အချိန် သင့်ဘေးမှာရှိတဲ့လူတွေက သင့်ကို စိတ်ဓာတ်ကြံ့ခိုင်ဖို့၊ ပျော်ရွှင်ဖို့ အားပေးလိမ့်မယ်။ ဒီလိုအချိန်မျိုးမှာ စိတ်ဓာတ်ကြံ့ခိုင်ဖို့ဆိုတာ မရှိမဖြစ် လိုအပ်ပေမယ့် ပျော်ရွှင်ဖို့ဆိုတာ ခက်ခဲလိမ့်မယ်။ ဆုံးရှုံးခြင်းတွေနဲ့ ရင်ဆိုင်နေရချိန် ဘယ်သူက မှ ပျော်ရွှင်နိုင်ကြမှာ မဟုတ်ဘူး။ ဒါပေမယ့် အနည်းဆုံးတော့ တည်ငြိမ်ရမယ်။ တည်တည် ငြိမ်ငြိမ်နဲ့ ပြဿနာရဲ့ အတိမ်အနက်ကို ကြည့်ရမယ်။ ဖြေရှင်းရမယ်။ တည်ငြိမ်ခြင်းဆိုတာ ပျော်ရွှင်ခြင်းလဲ မဟုတ်သလို မပျော်ရွှင်ခြင်းလဲ မဟုတ်ဘူး။


အတိတ်ထဲမှာ တဝဲမလည်ပါနဲ့
    လူ့ဘဝဆိုတာ လမ်းခွဲတွေများတဲ့ အဆုံးမရှိ လမ်းမကြီးဖြစ်တယ်။ မပြတ်တဲ့ ရွေးချယ်ခြင်းတွေနဲ့ ခရီးဆက်နေရတယ်။ နေ့တိုင်းစားတဲ့ အစားအစာကို ရွေးချယ်တာက သက်ရောက်မှု သိပ်မရှိပေမယ့် အလုပ်အကိုင်၊ အိမ်ထောင်ဖက်၊ အိမ်ထောင်ပြု /မပြု၊ ကလေးယူ /မယူ စတဲ့ ရွေးချယ်မှုတိုင်းက ဘဝတစ်ခု လုံးကို သက်ရောက်စေတယ်။ မတူတဲ့ရွေးချယ်မှုက မတူတဲ့ဘဝကို တည်ဆောက်ပေးတယ်။ ဘဝမှာ သည်းမခံနိုင်ဆုံးအရာက လူ့ဘဝကို အသစ်ပြန်စစေတဲ့ အခွင့်အရေး မရှိတာပဲ။
      "တကယ်လို့ အစတည်းက ဒီလိုရွေးခဲ့ရင် အခုချိန်မှာ ဒီလိုဖြစ်နေမှာ မဟုတ်ဘူး"လို့ ညည်းတွားမနေနဲ့။ သင်ရွေးချယ်တဲ့ ဘဝလမ်းခွဲတိုင်းမှာ အကောင်းဆုံးဆိုတာ မရှိသလို အဆိုးဆုံးဆိုတာလည်း မရှိဘူး။ ရွေးချယ်ခဲ့တဲ့လမ်းကို အကောင်းဆုံးဖြစ်အောင် သင်လျှောက်လှမ်းဖို့ပဲ လိုတယ်။ ဖြောင့်ဖြူးအောင် ဖန်တီးဖို့ပဲလိုတယ်။ ဒါမှ ရွေးခဲ့တဲ့လမ်း မှားတယ်လို့ အတိတ်ထဲ သင်တဝဲလည်နေတော့မှာ မဟုတ်ဘူး။


ရိုးရှင်းတာကို လက်ကိုင်ထားပါ
      စိတ်ရှုပ်စရာ တွေးတောမှုတွေက သင့်ဘဝကို ရှုပ်ထွေးစေသလို လက်ရှိပစ္စုပန်မှာ သင် အသက်ရှင်နေထိုင်နေပေမယ့် အတိတ်ကို သင်တမ်းတနေတတ်တယ်။ ဒါမှမဟုတ် အနာဂတ် အတွက် တွေးပြီး စိုးရိမ်ပူပန်နေတတ်တယ်။ အတိတ်ကို ပစ္စုပန်နဲ့အနာဂတ်ထိ သယ်ဆောင်လာတာဟာ သင့်ဘဝကို မသပ်ရပ်စေဘူး။ ရှုပ်ထွေးပွေလီစေတယ်။
      ရိုးရှင်းခြင်းဆိုတာ တင့်တယ်ခြင်းဖြစ်တယ်။ ဥပမာ-- ရာသီဥတုအပြောင်းအလွဲကို အရေပြားနဲ့ ရိုးရိုးရှင်းရှင်း ခံယူမယ်။ မိုးရွာပြီးစ မြက်ရနံ့တွေကို နှာခေါင်းနဲ့ ရိုးရိုးရှင်းရှင်း ရှုရှိုက်မယ်။ အဝေးက လှပတဲ့ရှုခင်းကို ပန်းချီကားတစ်ချပ်လို မျက်လုံးနဲ့ ရိုးရိုးရှင်းရှင်း အရသာခံမယ်။ ရိုးရှင်းခြင်းက ဒီလောက် လွယ်ကူပါတယ်။
      ပစ္စုပန်မှာ ရိုးရိုးရှင်းရှင်းနေထိုင်မယ်။ ရိုးရိုးရှင်းရှင်းနေထိုင်ရင် စိတ်ရှုပ်စရာတွေ တွေးတောဖို့မလိုဘူး။ အတိတ်ကိုလည်း တမ်းတဖို့မလိုဘူး။ အနာဂတ်အတွက်လည်း စိုးရိမ်ပူပန်စရာမလိုဘူး။ ရိုးရှင်းတာကို လက်ကိုင်ထားပြီး ဘဝကို သက်တောင့်သက်သာ ဖြတ်သန်းနိုင်ပါတယ်။


ခံစားချက်ကို အလဟသမဖြုန်းနဲ့
      သင့်အကြောင်း လူတွေမဟုတ်မမှန်ပြောလို့ ဒီနေ့ သင်မပျော်ဘူး?
လူတွေနဲ့လည်း သင်ရန်မဖြစ်ချင်လို့ လူတွေနားက သင်ခွာခဲ့တယ်။ ခန္ဓာကိုယ်သာ လူတွေဆီက သင်ခွာခဲ့ပေမယ့် သင့်စိတ်က နာကျင်ခြင်းထဲကနေ မခွာနိုင်ခဲ့လို့ တွေးလေ သင်ဒေါသ ထွက်လေဖြစ်မယ်။ ဒေါသဖြစ်ပြီဆိုတာနဲ့ တခြားအလုပ်ပေါ်မှာ သင်အာရုံမစိုက်နိုင်တော့ဘူး။ စိတ်ပါလက်ပါ သင်အလုပ်မလုပ်နိုင်တော့ဘူး။ စိတ်အနှောင့်အယှက်ဖြစ်ပြီး အရေးပါတဲ့အရာတွေကို သင်လျစ်လျူရှုမိ တတ်တယ်။ သင့်စိတ်ကို သူတစ်ပါးရဲ့အမှားတွေနဲ့ လွှမ်းမိုးထားလို့ဖြစ်တယ်။
  ခံစားချက်ကို အကျယ်ချဲ့တာဟာ သင်ရဲ့ဖြုန်းတီးမှုဖြစ်တယ်။ အဆိုးဝါးဆုံး ဖြုန်းတီးမှုဖြစ် တယ်။ ဒေါသထွက်ဖို့ အားစိုက်ရတယ်။ ဒေါသထွက်ရင် ခန္ဓာကိုယ်ကို ထိတယ်၊ ခွန်အားဗလကို ထိတယ်။ ဒါကြောင့် ထက်မြက်တဲ့သင်ဟာ ခံစားချက်ရဲ့ အထိန်းအချုပ်ကို မခံရပါစေနဲ့။ ဒေါသမထွက်ခင် သင့်ကိုယ်သင် "ခံစားချက်ကို အလဟသမဖြုန်းနဲ့" လို့ ညင်ညင်သာသာ သတိပေးပါ။


အချိန်ကောင်းကို ဖမ်းဆုပ်ပါ။
      သင်ကြိုက်တဲ့ အင်္ကျီတစ်ထည်ကို ဝယ်ခဲ့ပြီး မဝတ်ရက်ဘဲ ဗီရိုထဲ ဒီအတိုင်း သင်သိမ်းထားတယ် ဆိုပါစို့။ ကာလကြာမှ အဲဒီအင်္ကျီကို ဝတ်ဖို့ သင်သတိရချိန် အင်္ကျီဟာ ခေတ်ကုန်နေပြီဆိုတာကို သင်သတိထားမိလိမ့်မယ်။
     အရသာရှိပြီး လှပတဲ့ကိတ်မုန့်တစ်တုံးကို ဝယ်ခဲ့ပြီး မစားရက်ဘဲ ရေခဲသေတ္တာထဲ သင်ထည့်ထားမိတယ် ဆိုပါစို့။ ကာလကြာမှ ကိတ်မုန့်စားဖို့ သင်သတိရချိန် ကိတ်မုန့်ဟာ ဒိတ်လွန်နေပြီဆိုတာကို သင်သတိထား မိလိမ့်မယ်။
   နှစ်သက်ချိန်မှာ မဝတ်လိုက်ရတဲ့ အင်္ကျီ၊ စားချင်တဲ့အချိန်မှာ မစားလိုက်ရတဲ့ ကိတ်မုန့်၊ ဆန္ဒရှိတဲ့အချိန်မှာ မလုပ်လိုက်ရတဲ့ အလုပ် ... ဒါတွေဟာ ဝမ်းနည်းခြင်းတွေဖြစ်တယ်။

ဘဝမှာလည်း ဒိတ်လွန်နေ့စွဲတွေရှိတယ်။

     လုပ်ချင်တာကို အချိန်မနှောင်းခင် အရွယ်ကောင်းခင် လုပ်သင့်တယ်။ တကယ်လို့  လုပ်ချင်တာကို စိတ်ထဲမှာပဲထားပြီး အကောင်အထည် မဖော်ခဲ့ရင် နောက်ဆုံးရလဒ်က မဝတ်လိုက်ရတဲ့ အင်္ကျီလို၊ မစားလိုက်ရတဲ့ ကိတ်မုန့်လို နောင်တနဲ့ဝမ်းနည်းခြင်းတွေပဲ ကျန်ခဲ့လ်ိမ့်မယ်။

      သင့်ကိုယ်သင် အကောင်းဆုံးဖြစ်အောင် လုပ်ပါ။ ဘာပူဆွေး ဝမ်းနည်းစရာမှ ချန်မထားခဲ့ပါနဲ့။

 

ဒီဓာတ်ပုံဟာ ဟားဗတ်တက္ကသိုလ် စာကြည့်တိုက်ရဲ့ နံနက် ၄ နာရီ ပါ။ တော်တော်လေးကောင်းလို့ ဘာသာပြန်ပေး လိုက်တာပါ။ အောင်မြင်မှုရရှိခဲ့သူတွေရဲ့နောက်ကွယ်မှာ ဘယ်လောက်ထိ ကြိူးစား အားထုတ်ခဲ့ရတာရှိသလဲဆိုတာကို ဒါလေးကသက်သေပြနေပါတယ်။ ဟားဗတ်တက္ကသိုလ်က ဆရာတွေ ပြောပြလေ့ရှိတာ ကတော့ သင်ဘ၀မှာစိတ်တိုင်းကျဖို့နဲ့ ကောင်းတဲ့ဝေဖန်မှုရချင်ရင်တော့ ဟားဗတ်တက္ကသိုလ်မှာ ပညာသင်နေတဲ့အချိန်နေရောင်နဲ့ ထိတွေ့ဖို့အချိန်မရှိဘူး။

ကမ္ဘာ့ထိပ်ဆုံးကျောင်းတစ်ကျောင်းအနေနဲ့ ဟားဗတ်က နာမည်ကြီးပုဂ္ဂိုလ်တွေ အများကြီးမွေးထုတ်ပေးခဲ့တယ်။ အဲ့ထဲမှာ နိုဘယ်လ်ဆုရှင် (၃၃) ဦး၊ အမေရိကန်သမ္မတ (၇) ဦး နဲ့ နယ်ပယ်အသီးသီးက ထူးချွန်ထက်မြတ်သူတွေပါတယ်။ ဘာကြောင့် ဟားဗတ်ဟာ သူတို့ရဲ့ မွေးရပ်ဇာတိဖြစ်နေတာလဲ။ ဟားဗတ်ကျောင်းသားတွေဟာ ဘယ်လို စိတ်ဓာတ် နဲ့တွေးခေါ်မှုတွေကိုရရှိခဲ့ ကြတာလဲ။ ဒီအဖြေကိုလူပေါင်းများစွာ လိုက်ရှာနေကြတယ်။

ဟားဗတ်တက္ကသိုလ်ရဲ့ စာကြည့်တိုက်နံရံမှာ ရေးထားတဲ့ ဆုံးမစာလေးကတော့ အဖြေပေးပါလိမ့်မယ်။ တိုတောင်းတဲ့ စာသားလေးတွေဟာ လေးနက်တဲ့တွေးခေါ်မှု တွေပေးပြီး စိတ်ဓာတ်တက်ကြွစေတယ်။

ဟားဗတ်တက္ကသိုလ်ရဲ. စာကြည့်တိုက်နံရံပေါ်က အချက်၂၀ ဆုံးမစာကတော့…

၁) ဒီအချိန်မှာ အိပ်ငိုက်နေလျှင် မင်း အိပ်မက်မက်လိမ့်မည်။ ဒီအချိန်မှာ ကြိုးစားလျှင် မင်းအိပ်မက် အကောင်ထည်ဖော်နိုင်မည်။

၂) ငါ လစ်လျှူခဲ့သောယနေ့သည် မနေ့က နောက်ရက်တွင် ပျက်စီးလိုသောသူ၏ဆုတောင်းခြင်းပင်။

၃) အချိန်နှောင်းပြီဟု ထင်လိုက်သောအချိန်သည် အစောဆုံး အချိန်ပင်ဖြစ်သည်။

၎) ယနေ့အလုပ်ကို နောက်နေ့အထိမဆွဲပါနှင့်။

၅) စာကြိုးစားချိန် ပင်ပန်းတာဟာ တခဏပါ။ မကြိုးစားလိုက်ပါမှ တသက်တာပင်ပန်းမှာ။

၆) သင်ယူတာဟာ အချိန်မရှိတာမဟုတ်ဘူး။ ကြိုးစားအားထုတ်မှုမရှိတာပါ။

၇) စိတ်ချမ်းသာမှုဟာ အဆင့် သတ်မှတ်ထားတာ ရှိချင်မှရှိလိမ့်မည်။ အောင်မြင်မှုမှာတော့ရှိတယ်။

လူ့ဘ၀ရဲ. တစ်စိတ်တစ်ပိုင်းလေးကိုတောင်မှ မအောင်မြင်နိုင်ဘူး ဆိုရင် ဘာလုပ်နိုင်ဦးမှာလဲ။

 

၈) သင်ယူတာဟာ လူ့ဘ၀ရဲ.အားလုံးမဟုတ်ပါ။

၉) မရှောင်ဖယ်နိုင်တဲ့ ပင်ပန်းဆင်းရဲမှုများကို ခံစားပါ။

၁၀) သူများထက်ပိုစော၊ ပို ကြိုးစားနိုင်မှ အောင်မြင်မှုအရသာကို ခံစားရမှာ။

၁၁) ဘယ်သူမှ လွယ်လွယ်ကူကူနဲ့မအောင်မြင်နိုင်ဘူး၊ ဒါဟာ ကိုယ့်ရဲ့ ပြည့်စုံသော ပင်ကိုယ်ထိန်းနိုင် စွမ်းအားနှင့် မလျှော့သော ဇွဲ လုံ့လတို့မှ ရရှိလာတာ။

၁၂) အချိန်ဟာအမြဲတမ်းကုန်ဆုံးနေတယ်။

၁၃) ဒီနေ့ယိုသောသားရည်သည်နောက်နေ့၏မျက်ရည်ဖြစ်လိမ့်မည်။

၁၄) ခွေးလိုသင် လူကြီးလူကောင်းလို ကစားပါ။

၁၅) ဒီနေ့ မသွားလျှင် နောက်နေ့ပြေးရလိမ့်မည်။

၁၆) အနာဂတ်ကို ရင်နှီးမြုပ်နံနေတဲ့သူဟာယခုလက်တွေ့ကိုသစ္စာရှိသူပါ။

၁၇) ပညာရည်အဆင့်အတန်းဟာ ၀င်ငွေ အဆင့်အတန်း ကို ကိုယ်စားပြုတယ်။

၁၈) တနေ့တာကုန်ဆုံးသွားလျှင် ပြန်မလာတော့ပါ။

၁၉) အခုတောင်မှ သင်၏ပြိုင်ဖက်သည် စာရွက်ကို အဆက်မပျက်လှန်နေပြီ။

၂၀) အကျပ်အတည်းအခက်အခဲမရှိလျှင် အကျိုးအမြတ်မရနိုင်ပါ။

Facebook က Relationship Status အကြောင်း

အခုတလော အလုပ်တွေများနေတာနဲ့ပဲ blog ထဲမှာ စာမတင်နိုင်တာကို ခွင့်လွှတ်ပေးကြပါနော်။

ဘာရယ်မဟုတ်ပါဘူး.... အခုပဲ သူငယ်ချစ်တစ်ယောက် Facebook မှာ Status ပြောင်းတာကို သတိရပြီး တင်လိုက်တာပါ...

အင်္ဂလိပ်ဝေါဟာရက ခံယူတဲ့လူအပေါ်မှာ နဲ့ အခြေအနေပေါ်မူတည်ပြီး အဓိပ္ပါယ်အမျိုးမျိုး ဘာသာပြန်ကြတယ် မှတ်လား...

Facebook က Relationship Status အကြောင်းကို မသိသေးသူများအတွက် တင်ပေးလိုက် ပါတယ်.... ခဏခဏ မမေးအောင်လို့ပါ.... :D

Understand there are certain difference between men and women, and have ran a series of classified case studies in order to determine what these various status mean to each gender. They are the following:

လောင်းရိပ်မိတဲ့ပန်း

မိဘရဲ့ လောင်းရိပ်ကို တချို့လူတွေက ကြိုက်ကြတယ်။ တချို့လူတွေက မုန်းကြတယ်။ ကြိုက်တဲ့လူတွေက မိဘကိုချစ်တာလဲပါသလို၊ အပျင်းကြီးပြီး မိဘလုပ်စာ ထိုင်စားချင်တဲ့လူတွေလဲပါလို၊ တစ်ဦးထဲသော ကျန်ခဲ့သော အမေမို့၊ အဖေမို့ဆိုပြီး အကြောင်းအမျိုးမျိုးတွေပြကြတယ်။

မုန်းတဲ့လူတွေကတော့ ဘ၀ကိုတိုးတက်ချင်တဲ့စိတ်ရှိတဲ့လူ၊ လွတ်လွတ်လပ်လပ်နေချင်တဲ့လူ၊ မိဘကို အဝေးကနေ ထောက်ပံ့ချင်တဲ့လူ၊ နားညည်းတဲ့ဒဏ်၊ အိမ်ပူတဲ့ဒဏ်တွေကို မခံနိုင်တဲ့လူများက မိဘလောင်းရိပ်ကနေ ကိုယ်လွတ်ရုန်းကြတယ်။

အလတ်မရဲ့ ကိုယ်တွေ့ဘ၀လေးကိုပြောပြရမယ်ဆိုရင် အလတ်မရဲ့ ဖေဖေဟာ မိဘလောင်းရိပ်မိခံရတဲ့လူ တစ်ယောက်ဖြစ်တယ်။ အခုအချိန်ထိလဲ မိနေတုန်း၊ နောင်တရနေတုန်းပဲ။ အလတ်မ ငယ်ငယ်ထဲက အမြဲ ကြားနေကျ စကားတွေက “ငါ မိဘလောင်းရိပ်မိနေလို့ ငါဖြစ်ချင်တာတွေ မဖြစ်ခဲ့ရတာ၊ မလုပ်ခဲ့ရတာ” “အခုဆို ငါ့သူငယ်ချင်းတွေ ရန်ကုန်မှာ အရမ်းအောင်မြင်နေတာ၊ အရမ်းချမ်းသာနေတာ၊ ငါအသုံးမကျလို့ ဒီလိုဖြစ်ရတာဆိုပြီး” ဖေဖေပြောလေ့ရှိတာတွေပါပဲ။

အလတ်မရဲ့ ဖေဖေဟာ အနုပညာကို အရမ်းဝါသနာပါသူဖြစ်တယ်။ ပန်းချီဆွဲတယ်၊ ဒီဇိုင်းထွင်တယ်၊ အိမ်က လုပ်ငန်းကြော်ငြာဆိုင်းဘုတ်တောင် ကိုယ့်ဖာသာ လုပ်တယ်၊ အားကစားတံဆိပ်ရိုက်တတ်တယ်။ ယောက်ျားဝတ် ဘလော့စ်၊ ရှပ်အင်္ကျီ၊ ဘောင်းဘီတွေကို ကိုယ်တိုင်ချုပ်တတ်တယ်။ ဓါတ်ပုံကိုလဲ Professional ရိုက်တတ်တယ်။ ကိုယ်တိုင်စိုက်တဲ့ ပန်းဥယျာဉ်လေးရှိတယ်။

ဖေဖေက သူလုပ်ချင်တဲ့ အနုပညာလုပ်ငန်းကို ရန်ကုန်မှာ လုပ်ချင်တယ်။ အဖွားက ခွင့်မပြုဘူး။ ရန်ကုန်ကို အကြာကြီးဆင်းသွားရင်တောင် နေမကောင်းလို့ ပြန်လာပါဆိုပြီး ခေါ်လို့ အလုပ်တစ်ဖက်နဲ့ ပြန်ပြေးရတယ်။ အိမ်ပြန်ရောက်တော့ အကောင်းကြီး။ စိတ်ဆိုးလို့ ဆင်းသွားရင်လဲ ပြန်လိုက်ခေါ်တယ်။

ဒီလိုနဲ့ ဖေဖေလဲ အိမ်ထောင်ကျပြီးတော့ မွေးရပ်ဇာတိမှာပဲ နေဖြစ်တယ်။ အဖွားက အဝေးကြီးထွက်သွားမှာစိုးလို့ သူ့ခေါင်းရင်းက ပိုနေတဲ့ အခြမ်းကို အမွေသဘောနဲ့ရောင်းပြီး နေစေတယ်။ ဒီလိုနဲ့ ဖေဖေလဲ လောင်းရိပ်ဘ၀ကြီး ထဲက ရုန်းမထွက်နိုင်ခဲ့ဘူး။

သူကိုယ်လွတ်မရုန်းနိုင်တိုင်း သူ့ရင်ထဲက နောင်တတွေကို သားသမီးတွေကို ပြောပြောပြလေ့ရှိပြန်တယ်။ အဖွားက “ငါသေမှ နင်လုပ်ချင်ရာလုပ်” လို့ အမိန့်ထုတ်ထားတော့ ဘာလုပ်လို့ရဦးမှာလဲ။ အခုဆို ဖေဖေလဲ အသက်တွေလဲကြီးပြီမို့ တော်ရာမှာပဲ နေရတော့တာပေါ့။ အလတ်မ အနေနဲ့တော့ သင်ခန်းစာ ရသွားတာပေါ့။

အဲ့ဒီ့အချိန်ကစပြီး အလတ်မကတော့ မိဘလောင်းရိပ်ကို မုန်းတဲ့လူဖြစ်မှန်းမသိ ဖြစ်လာခဲ့တယ်။ မိဘကို မချစ်လို့တော့မဟုတ်ဘူး။ တိုးတက်ချင်တယ်၊ ထောက်ပံ့ချင်တဲ့စိတ်နဲ့ “ငါ့လှေငါထိုး ပဲခူးရောက်ရောက်” စိတ်ဓါတ်ရှိတာလဲ ပါမပေါ့လေ။

အလတ်မ လောင်းရိပ်ကို ဘယ်လောက်ကြောက်သွားသလဲဆို “ဆယ်တန်း” အောင်စာရင်းထွက်ပြီးတာနဲ့ ရန်ကုန်ကို တန်းပြေးတော့တာပဲ။ ကိုယ် ၀ါသနာပါတဲ့ ကွန်ပျူတာအကြောင်းလေ့လာရင်း ကိုယ်ဖြစ်ချင်တဲ့ ဆန္ဒတွေအားလုံးကို ဒိုင်ယာရီစာအုပ်မှာ ချရေးရင်းနဲ့ အောင်မြင်မှုတွေကို ကိုယ့်ဖာသာ ဆွတ်ခူးနေခဲ့တယ်။ (အလတ်မကတော့ ဖြစ်ချင်တာတွေကို စာရင်းလုပ်ထားတယ်။ ပြီးရင် တစ်ခုပြီး တစ်ခု အောင်မြင်အောင် လုပ်တယ်။ လုပ်ပြီးတာနဲ့ အမှန်ခြစ်လေး ခြစ်ထားလိုက်တယ်။) အဲ့ဒီ့ အမှန်ခြစ်တွေကို ပြန်ကြည့်ရင်းနဲ့ပဲ ဘ၀အမောတွေကို ဖြေဖျောက်နေရတယ်။

အဓိက အလတ်မ ပြောချင်တာကတော့ ယခုခေတ် အသက် (၁၈) နှစ်ပြည့်ပြီးတဲ့ လူငယ်တွေကို ကိုယ့်အားကိုယ်ကိုး စေချင်တယ်။ မိဘဘယ်လောက်ချမ်းသာ ချမ်းသာ ကိုယ့်ဘ၀တစ်သက်သာလုံးအတွက် အခိုင်အမာဆုံးနဲ့ ပွဲလယ်အတင့်ဆုံး ပညာကို ကြိုးစားပြီးသင်ယူစေချင်တယ်။ ဘယ် အသက်မွေးဝမ်းကျောင်း ပညာမဆို တစ်ချိန်ချိန်မှာ အသုံးဝင်တာကိုလဲ သိစေချင်တယ်။ ဖိနပ်ချုပ်၊ ထီးပြင်တာကအစ ဘယ်အရာမဆို တတ်ထားတော့ ထမင်းမငတ်ဘူးပေါ့။ ငယ်ငယ်တုန်းက သင်ဖူးတဲ့ ကုဋေရှစ်ဆယ်သူဋ္ဌေးသားလို ဘ၀မျိုးမရောက်ရဘူးဆိုတဲ့ စိတ်ဓါတ်မျိုးတွေလဲ ရှိစေချင်တယ်။

တချို့နိုင်ငံခြား တိုင်းပြည်တွေမှာဆို အသက် (၁၈)နှစ် ပြည့်တာနဲ့ ကိုယ့်ကိုကိုယ် လူကြီးစာရင်းသွင်းပြီး ကိုယ့်လမ်းကိုယ်လျှောက်ကြတယ်။ မိဘကို အားမကိုးတော့ဘူး ကျောင်းတက်တာကအစ ကိုယ့်စားရိတ်နဲ့ ကိုယ်တက်ကြတယ်။ ကျောင်းချိန်ပြင်ပ အချိန်ပိုင်း အလုပ်လုပ်ပြီး ၀င်ငွေရှာပြီး ပညာကို အပတ်တကုပ် လေ့လာ ဆည်းပူးကြတယ်။ အထူးသဖြင့် အနောက်နိုင်ငံကြီးတွေမှာ အများဆုံး တွေ့ရလေ့ရှိတယ်။ မြန်မာလူငယ်တွေကို ဒီလို အတုယူစေချင်တယ်။ တချို့လူငယ်တွေ အချစ်ကြောင့် ဘ၀ပျက်တာတွေကိုလဲ မြင်တွေ့နေရတော့ တကယ်တော့ အချစ်ဆို ဘ၀တစ်ခုလုံးအတွက် ပြောပလောက်အောင် အရေးမပါ ပါဘူးဆိုတာ ပညာရှိတဲ့ လူတိုင်း လက်ခံကျင့်သုံးခဲ့တယ်ဆိုတာကို သိစေချင်တယ်။ ငယ်ငယ်တုန်းကတော့ အချစ်ဟာ ကမ္ဘာမှာ အရေးအပါဆုံးလို့ ထင်ပေမဲ့ အသက်အရွယ်ရလာ ရင့်ကျက်လာတဲ့အချိန်မှာ အချစ်ဟာ အစိတ်အပိုင်း တစ်ခု လောက်ပဲအရေးပါတော့တယ်ဆိုတာ သိလာကြမှာပါ။

ဒီစာစုလေးထဲကအတိုင်း ကိုယ့်ကိုယ်ကို ဆန်းစစ်ဝေဖန်ပြီး နမူနာယူစေချင်ပါသည်။

`လူမိုက်သည် အမှားကိုကိုယ်တိုင်ကျူးလွန်ပြီးမှ သိ၏၊

လူလိမ္မာသည် သူတပါးကျူးလွန်ပြီးသောအမှားကို သင်ခန်းစာယူ၏။
ပညာရှိကမူ အကြောင်းကိစ္စတို့ကို မဖြစ်ခင်ကပင် အမှားအမှန်ခွဲခြားနိုင်၏။´

တချို့မိဘလောင်းရိပ်က ဝေးနေတဲ့ လူငယ်တွေကိုလဲ သတိပေးချင်ပါတယ်။ ငါ မိဘလောင်းရိပ်အောက်က လွတ်ပြီဆိုပြီး “ဇောင်းထဲက လွတ်တဲ့ မြင်းလို ကစုန်ပေါက်ပြီး မထွက်စေချင်ဘူး” ငါလုပ်ချင်ရာ လုပ်မယ်၊ အမေလဲ လိုက်မကြည့်နိုင်ဘူး။ အဖေလဲ လိုက်မကြည့်နိုင်ဘူးဆိုပြီး နေချင်သလိုနေ၊ စားချင်သလိုစား၊ မပေါင်းသင့်တဲ့ လူနဲ့ ပေါင်း၊ မကြိုက်သင့်နဲ့လူနဲ့ ကြိုက်ပြီး ပျက်စီးနေမယ်ဆိုရင် လောကမှာ ကိုယ့်လောက် ပညာမဲ့တဲ့လူ မရှိဘူးလို့ သတ်မှတ်သင့်ပါတယ်။ အဲ့ဒီလိုတွေ ပျက်စီးနေမယ်ဆိုရင် မိဘတွေဘယ်လောက် စိတ်ဆင်းရဲရလဲ? ကိုယ့်ဘ၀မှာကော လူတွေက အယုံအကြည် ရှိပါဦးမလား? ချစ်သူကကော အားကိုးလောက်တဲ့ ယောက်ျားအဖြစ်သတ်မှတ်နိုင်ပါ့မလား? ဆိုပြီး ကိုယ့်ဘ၀ကို ပြန်ပြီး တွေးတောဆင်ခြင်သင့် ပါတယ်။ အောင်မြင်တဲ့လူတချို့ဟာ ကိုယ့်ကိုကိုယ်ယုံကြည်ကြတယ်။

အလတ်မရဲ့ သူငယ်ချင်းတစ်ယောက်ဆို မိဘလောင်းရိပ်အောက်က အခုထိ ရုန်းမထွက်နိုင်သေးဘူး။ 2006 ခုနှစ်က သူ အင်တာနက်ဆိုင်စဖွင့်တော့ သူ့မိဘတွေက တိုက်ခန်းတစ်ခန်းရင်းပြီးတော့ ဖွင့်ပေးခဲ့တယ်။ အဲ့ဒီ့အချိန်တုန်းက အင်တာနက်ဆိုင်က သိပ်မပေါသေးတော့ အလုပ်အရမ်းဖြစ်တယ်။ သူရှာသမျှ ပိုက်ဆံကို သူ့အိမ်က သိမ်းတာပဲ။ သူကလဲ အသုံးကြမ်းတယ်။ အခုအချိန်မှာ အင်တာနက်ဆိုင်တွေက မှိုလိုပေါက်လာတော့ သူ့ဆိုင်လဲ အလုပ်မဖြစ်၊ ကိုယ့်ဆိုင်လဲ အလုပ်မဖြစ်ဘူး။ သူရှာတဲ့ နေ့တိုင်းဝင်ငွေကို သူ့အိမ်က သိမ်းတုန်းပဲ။ အခု သူအိမ်ထောင်ပြုတော့မယ်ဆိုတော့ သူက သူ့ကောင်မလေးဆီမှာ မင်္ဂလာဆောင်ဖို့အတွက် လတိုင်း ပိုက်ဆံစု တယ်။

တစ်နေ့ သူ့ကောင်မလေးက ဒေါသတကြီးနဲ့ရင်ဖွင့်တယ်။ သူ့ယောက္ခမလောင်းကပြောတယ်တဲ့။ သူ့သား ရှာတဲ့ ပိုက်ဆံက သူဖြုန်းတာနဲ့တင် ကုန်ပြီတဲ့။ ပိုက်ဆံစုနေတာကလဲ သူရင်းပေးထားတဲ့ပိုက်ဆံပေါ့။ အဲ့ဒီ့တော့ သူပြောချင်တဲ့ အဓိပ္ပါယ်က “နင်တို့ မင်္ဂလာဆောင်ဖို့ စုတဲ့ပိုက်ဆံက ငါ့ပိုက်ဆံဆိုတော့... ငါဆောင်ပေးတဲ့ ပွဲပေါ့” လို့ မပြောယုံတမယ်ပါပဲတဲ့။ ကောင်မလေးလဲ စဉ်းစားနေပါတယ်။ သူ့ကောင်လေးကို ဘ၀လက်တွဲဖော် အဖြစ် ရွေးသင့်/ မရွေးသင့်ကိုပေါ့။

အလတ်မတို့များ နိုင်ငံခြားမှာ (၆) နှစ် ကျွန်ခံတာ တိုက်ခန်းတစ်ခန်းရတယ်။ အဲ့ဒီ့သူငယ်ချင်း သူ့မိသားစုဆီမှာ (၆) နှစ် ကျွန်ခံတာ တပြားမှ မရတဲ့အပြင် သူ့အဖေ၊ အမေနဲ့ ညီမ၊ အစ်ကိုတွေက ကျေးဇူးတင်စကားတစ်ခွန်း မပြောတဲ့အပြင် သူရှာတာ သူဖြုန်းတာနဲ့ ကုန်တယ်လို့ ပြောရက်တယ်။ သူဖွင့်တဲ့ဆိုင်က ရတဲ့ပိုက်ဆံတွေက ဘယ်ရောက်ကုန်လဲ? ဘယ်သူ သိမ်းတာလဲ? လို့သာ မေးလိုက်ချင်တော့တယ်။ ကိုယ့်သားသမီးကို မိဘ၀တ္တရားအတိုင်း လုပ်မပေးတဲ့အပြင် သူတို့မို့ ပြောထွက်တယ်။ အံ့သြပါရဲ့ လောကကြီးရယ်....

သူငယ်ချင်းတို့လဲ အရိပ်တကာ့ အရိပ်ထဲမှာ မိဘလာင်းရိပ်က ကင်းဝေးကြပါစေလို့ ဆန္ဒပြုလျှက်
ရှင်ထွေး

မေတ္တာတရား၏ အခြေခံကျင့်ဝတ် (၁၅) ပါး

မေတ္တာတရားပွားများမည့် သူများသည် အခြေခံကျင့်ဝတ် (၁၅) ပါးကို လက်ကိုင်ထားကြ ရမည်ဖြစ်၏။ မေတ္တာတရားအား ပွားများရာတွင် အလွယ်နှင့်ပြုလုပ်၍ မရ။ မေတ္တာတရား မပွားများမီ မေတ္တာတရားပွားများရေးအတွက် လိုအပ်သော အခြေခံများကို ပြည့်စုံအောင် ကျင့်သုံးရမည်ဖြစ်၏။ ယင်းအခြေခံ ကျင့်ဝတ်တို့မှာ အောက်ပါအတိုင်း ဖြစ်ပါ၏။

(၁) စွမ်းဆောင်နိုင်ခြင်း
မေတ္တာတရားပွားများမည့်သူသည် သီလ၊ သမာဓိ၊ ပညာ အကျင့်များကို ကျင့်ရန် စွမ်းဆောင်နိုင်သူ ဖြစ်ဖို့လို၏။ သဒ္ဓါ တရားထက်သန်ရန် လို၏။ လုံ့လ၊ ၀ီရိယပြင်းထန်၍ ဇွဲရှိမှသာ မေတ္တာပွားများနိုင်၏။

(၂) ဖြောင့်မတ်ခြင်း
မေတ္တာတရား ပွားများရန် ရိုးသားဖြောင့်မတ်ဖို့လို၏။ မရှိသော ဂုဏ်ကိုရှိဟန်ပြုသူ၊ လမ်လည်ပြောဆိုတတ်သူ၊ ကောက်ကျစ်စဉ်းလဲတတ်သူတို့သည် မေတ္တာတရားပွားများနိုင်သူများ မဟုတ်။ မေတ္တာတရား ပွားလိုပါက သာဌေယျ ခေါ် လှည့်စားမှု ကင်းရမည်။ ကာယကံနှင့် ၀စီကံ ဖြောင့်မတ်ရမည်။ သို့မဟုတ်ပါက မေတ္တာတရား ပွားများနိုင်မည် မဟုတ်ပါ။

(၃) အလွန်ဖြောင့်မတ်ခြင်း
မေတ္တာတရားပွားများလိုပါက ထိုသူသည် မိမိအပြစ်ကို ဖုံးကွယ်၍ အပြစ်ကင်းဟန်ဆောင်မှု (မာယာ) ကင်းရမည်ဖြစ်၏။ မနောကံ ဖြောင့်မတ်ရမည်ဖြစ်၏။ သူတစ်ပါးအား လိမ်လည်လှည့်ဖျားရန် စိတ်ဖြင့်ပင် မကြံစည်သူ ဖြစ်ရမည်ဖြစ်၏။ ထိုသို့သောသူမှသာ မေတ္တာတရားပွားများနိုင်ပါ၏။

(၄) ဆိုဆုံးမ လွယ်ခြင်း
မေတ္တာတရားပွားများလိုသည့် အခြေခံအားဖြင့် ဆရာသမား၊ မိဘ၊ အကြီးအကဲတို့၏ ဆုံးမမှု၊ ပြောဆိုမှုကို သိလွယ်၊ နားလည်လွယ်၊ တစ်သဝေမတိမ်း လိုက်နာလွယ်သူဖြစ်ရန် လို၏။ ရာဟုလာသည် အသက် (၇) နှစ် အရွယ် ရှင်သာမဏေဘ၀၌ပင် သဲပုံကိုပုံ၍ ထိုသဲပုံရှိ သဲလုံးအရေအတွက်နှင့်အမျှ အဆုံးအမများ ရပါစေဟု ဆုတောင်းတတ်၏။

(၅) နူးညံ့ခြင်း
မေတ္တာတရားပွားများမည့်သူသည် နူးညံ့သိမ်မွေ့သော စိတ်သဘောထားရှိရန်လို၏။ အဆင်မပြေသော စိတ်သဘောထား၊ ဖီလာကပ်ဖဲ့လုပ်သော စိတ်သဘောထားများ မရှိဘဲ ရွှေကို လိုသလို နန်းဆွဲ၍ ရသကဲ့သို့ လည်းကောင်း၊ အဖြားခတ်၍ ရသကဲ့သို့ လည်းကောင်း မေတ္တာထားသူ၏ စိတ်သည် နူးညံ့သိမ်မွေ့မှု ရှိရမည် ဖြစ်၏။

(၆) မာနအလွန် မကြီးခြင်း
မေတ္တာတရားပွားများလိုပါက အလွန်အမင်းကြီး မာနမကြီးရန် လိုအပ်၏။ ဘယ်သူ့ကိုမျှ အဖက်မတန်ဟု ယူဆကာ အလွန်အကျွံမနာကြီးမှုမျိုးကို ပယ်နိုင်ရမည်ဖြစ်၏။ ဆွေမျိုးဂုဏ်၊ ပညာဂုဏ်၊ အာဏာဂုဏ်တို့ကို အမှီပြု၍ မောက်မာစွာ ပြောဆိုမှုများ ကင်းရမည်ဖြစ်၏။ ဘ၀င်မြင့်မှု၊ မနာနထောင်လွှားမှုတို့ကို ပယ်ရမည် ဖြစ်၏။

(၇) ရောင့်ရဲလွယ်ခြင်း
မေတ္တာရှင်သည် ရောင့်ရဲလွယ်ရမည့်အပြင် တင်းတိမ်လွယ်ရမည်ဖြစ်၏။ လောဘသက္ကာရမကြီးဘဲ ရောင့်ရဲ တင်းတိမ်မှုကို အမြတ်ဆုံးအရာအဖြစ် ထားရှိနိုင်သူဖြစ်ရန်လို၏။ ရသမျှ၊ တန်သမျှနှင့် ရောင့်ရဲမှုရှိရန် လို၏။

(၈) မွေးမြူပြုစုရန် လွယ်ခြင်း
မေတ္တာတရားပွားများလိုသူသည် အစားအသောက်၊ အနေအထိုင် ဇီဇာမကြောင်ဘဲ ကျေနပ်နိုင်သူဖြစ်ရန် လို၏။

(၉) အမှုကိစ္စ နည်းခြင်း
အမှုကိစ္စပွားများခြင်း၊ အမှုကိစ္စထူပြောခြင်းတို့ မရှိဘဲ မိမိရည်မှန်းသော အမှိုကစ္စကိုသာ စူးစိုက်လုပ်ဆောင် တတ်သောစိတ် ရှိရန်လိုအပ်၏။

(၁၀) လွယ်ကူစွာ ရွှေ့ပြောင်းသွားလာနိုင်ခြင်း
အသုံးအဆောင်ပစ္စည်းများကို အလွယ်ရွေ့ပြောင်းနိုင်သူဖြစ်ရန်လို၏။ ဆန္ဒရှိပါက ငှက်ကဲ့သို့ ၀န်ထုပ်ဝန်ပိုးမရှိပဲ အလွယ်ပျံနိုင် သွားနိုင်သူဖြစ်ရန် လို၏။

(၁၁) ဣနြေ္နငြိမ်သက်ခြင်း
မေတ္တာတရားများလိုသူသည် မျက်စိ၊ နား၊ နှာခေါင်း၊ လျှာ၊ ကိုယ် ဟူသော ဣနြေ္နငါးပါးကို တည်ငြိမ်အောင် ထိန်းထားနိုင်ရမည်ဖြစ်၏။ ဣနြေ္နနှင့် သိက္ခာကို တည်ငြိမ်စွာ စောင့်ထိန်းရမည်ဖြစ်၏။

(၁၂) ဆင်ခြင်ဉာဏ် ရင့်ကျက်ခြင်း
မေတ္တာတရားပွားများမည့် ပုဂ္ဂိုလ်သည် ကိစ္စအားလုံးကို ဆင်ခြင်တိုင်းထွာတတ်သော အသိဉာဏ်ရင့်သန်သူ ဖြစ်ရန် လိုအပ်ပါ၏။

(၁၃) ကြမ်းတမ်းရိုင်းပျမှု ကင်းရမည်
မေတ္တာတရားသည် နူးညံ့သောအရာဖြစ်၏။ မေတ္တာတရား လက်ကိုင်ထားလိုသူသည် ကြမ်းတမ်းရိုင်းပျမှု ကင်းရန်လို၏။ ကိုယ်၊ နှုတ်၊ စိတ်၊ ရိုင်းပျမှု မရှိဘဲ ယဉ်ကျေးသိမ်မွေ့ရမည်ဖြစ်၏။ ပရိတ်သတ်အလယ်တွင် ဒူးထောင်ပေါင်ကားမထိုင်ဘဲ ပိရိသေသပ်စွာ နေတတ်ရမည်ဖြစ်၏။ ယဉ်ကျေးသော အပြုအမှု အနေအထိုင် ရှိရမည်ဖြစ်၏။

(၁၄) တွယ်တာမှု ကင်းခြင်း
တစ်စုံတစ်ဦးအပေါ် တွယ်တာနေမှု၊ သံယောဇဉ် ကြီးမားနေမှုလျော့နည်းရန် လို၏။ တစ်စုံတစ်ယောက်အပေါ် တွယ်တာမှုကြီးနေပါက အများအပေါ် တွယ်တာရန် အားနည်းနေမည်ဖြစ်၏။

(၁၅) အပြစ်ကင်းစင်ရမည်
မေတ္တာရှင်သည် မည်မျှသေးငယ်သော အပြစ်ကိုမျှပင် မပြုလုပ်ဘဲ အပြစ်ကင်းစင်သူဖြစ်ရန် လိုအပ်ပါ၏။

Without You

Without You

Mom, without you, there would be no me.
Your love, your attention, your guidance,
have made me who I am.

Without you, I would be lost,
wandering aimlessly,
without direction or purpose.

You showed me the way
to serve, to accomplish, to persevere.

Without you, there would be an empty space
I could never fill, no matter how I tried.

Instead, because of you,
I have joy, contentment, satisfaction and peace.
Thank you, mom.

I have always loved you
and I always will.

What a kiss means?

What a kiss means.. actually read the whole thing cause its nice!

• Kiss on the Stomach = I'm ready
• Kiss on the Forehead = I hope we're together forever
• Kiss on the Ear = Your my everything
• Kiss on the Cheek = We're friends
• Kiss on the Hand = I adore you
• Kiss on the Neck = We belong together
• Kiss on the Shoulder = I want you
• Kiss on the Lips = I love you
• Kiss on the Pregnant = Our dream came true
  

What the gesture means...

• Holding Hands = We definitely love each other
• Slap on the Butt = That's mine
• Holding on tight = I don't want to let go
• Looking into each other's Eyes = I just plain love you
• Playing with Hair = Tell me you love me
• Arms around the Waist = I love you too much to let go
• Laughing while Kissing = I am completely comfortable with you

ADVICE!

• Don't ask for a kiss, take one.
• If you were thinking about someone while reading this, you're definitely in Love

REQURIEMENTS

• Post this again after reading!!

Thanks